Previous123456789...3233Next
प्रदेस म कोरोना के 2846 नवा मरीज मिलिस, 14 लोगन के होइस मउत

प्रदेस म कोरोना के 2846 नवा मरीज मिलिस, 14 लोगन के होइस मउत

08-Oct-2020

रायपुर। प्रदेस म सम्मार के 2846 नवा कोरोना मरीज के पहिचान होइस। उंही 639 लोगन ल अस्पताल ले छुट्टी दिस। अऊ 14 मरीज के इलाज के दौरान मउत हो गेय।

अब राज्य म कोरोना के संख्या बाढ़ के 1,31,739 हो गेय। जेमा 103828 मरीज ल डिस्चार्ज करे जा चुके हे। अऊ सक्रिय केस के संख्या घट के 27777 हो गिस। अऊ प्रदेस म मउत के आंकड़ा बाढ़ के 1134 हो गेय।

हाथरस गैंगरेप : कांग्रेस प्रदेस स्तर के करिस प्रदर्सन, योगी सरकार ले मांगिस इस्तीफा, कहिन- यूपी म बेटी सुरक्षित नई हे...

हाथरस गैंगरेप : कांग्रेस प्रदेस स्तर के करिस प्रदर्सन, योगी सरकार ले मांगिस इस्तीफा, कहिन- यूपी म बेटी सुरक्षित नई हे...

08-Oct-2020

रायपुर। उत्तर प्रदेस के हाथरस गैंगरेप मामला म बुधवार के कांग्रेस ह प्रदेस स्तर के प्रदर्सन करिस। कांग्रेस कार्यकर्ता सबसे पहिली प्रदेस कार्यालय राजीव भवन म सभा करिन। येकर बाद पैदल मंत्री शिवकुमार डहरिया अऊ प्रदेस कांग्रेस अध्यक्ष मोहन मरकाम के नेतृत्व म राजभवन पहुंचिन।

मंत्री शिवकुमार डहरिया कहिन कि योदी अऊ मोदी सरकार ल बर्खास्त करे जाय। कांग्रेस पीड़ित ल नियाय दिलाय बर हर लड़ाई लड़हि। हमन राज्यपाल ले मिलके राष्ट्रपति के नाव ज्ञापन सौंपे हन। मांग करेन कि गैंगरेप के मामला म कठोर कार्रवाई करे जाय।

मोहन मरकाम कहिन कि ये मामला म कांग्रेस नई बीजेपी राजनीति करत हे। बीजेपी सासित राज्य म स्थिति बहुत खराब हे। उत्तर प्रदेस के योगी सरकार म बेटी सुरक्षित नई हे। अइसन सरकार ल तत्काल बर्खास्त करना चाहि। छत्तीसगढ़ म अगर कोनो अइसन घटना होय होही त कांग्रेस सरकार कठोर कार्रवाई करे गिस। बीजेपी के तरह कांग्रेस आरोपी मन ल बचाय के काम नई करय। छत्तीसगढ़ म कानून व्यवस्था के राज हवय। इंहा जंगल राज नई हे।

ऋचा जोगी के जाति मामला पहुंचिस राजभवन, कांग्रेस के आदिवासी बिधायक करिन सिकायत

ऋचा जोगी के जाति मामला पहुंचिस राजभवन, कांग्रेस के आदिवासी बिधायक करिन सिकायत

08-Oct-2020

रायपुर। छत्तीसगढ़ म मरवाही उपचुनाव ले पहिलि जोगी परिवार के जाति ल लेके फेर एक बार बवाल मच गेय हे। ये बार जोगी परिवार के बहु अऊ अमित जोगी के पत्नी फंसे हे। ये मामला ल लेके कांग्रेस पार्टी सक्रिय नजर आत हवय।

कांग्रेस के आदिवासी बिधायक ये मामला के सिकायत लेके राजभवन म पहुंचिन। संसदीय सचिव शिशुपाल सोरी के नेतृत्व म कांग्रेस बिधायक पुरूषोत्तम कंवर, मोहित केरकेट्टा, गुलाब कमरो और यूडी मिंज राज्यपाल ले भेंट करिन। कांग्रेस आदिवासी बिधायक मन ऋचा जोगी के जाति प्रमाण पत्र ल निरस्त करे मांग करिन।

ऋचा जोगी के जाति मामला जिला स्तरीय छानबीन समिति ह नोटिस जारी करे हे अऊ 10 दिन म जवाब मांगे हे। ये समय 8 अक्टूबर के खत्म होहि। मामला म जवाब नई देहि त समिति ह जाति प्रमान पत्र निरस्त करे के चेतावनी देय हे।

ऋचा जोगी के अनुसूचित जाति प्रमाण पत्र ल कांग्रेस नेता संतकुमार नेताम फर्जी बताय हे। वोहा येकर सिकायत 18 बिंदु म कलेक्टर ले करा हे। सिकायत के बाद मुंगेली कलेक्टर ल छानबीन समिति के गठन करिस। जेकर बार 10 दिन म जवाब मांग गिस।  

राजधानी म  नाबालिग ले बलात्कार, आरोपी पड़ोसी गिरफ्तार

राजधानी म नाबालिग ले बलात्कार, आरोपी पड़ोसी गिरफ्तार

08-Oct-2020

रायपुर। राजधानी म बुधवार के नाबालिग के संग बलात्कार के घटना सामने आइस। मामला म पीड़िता के परिजन पंडरी थाना म सिकायत करिस। येकर बाद पुलिस आरोपी ल गिरफ्तार करिस। आरोपी पीड़िता के पड़ोसी हरय।

पुलिस बताइस कि दलदल सिवनी के पास 14 बछर के बच्ची ले पड़ोस के युवक ह दुष्कर्म करिस। घटना पहिली लॉकडाउन के हरय। बच्ची ल घर म अकेला दिखिस त आऱोपी राजेंद्र चंद्राकर बहला के अपन घर लेय गिस अऊ ये दुष्कर्म के घटना ल करिस।

बच्ची के माता-पिता ल मंगलवार के घटना के बारे म पता चलिस अऊ थाना म सिकायत करिस। सिकायत के बाद आरोपी ल गिरफ्तार करे गिस।

 

छत्तीसगढ़ म कोरोना पार करिस सवा लाख के आंकड़ा, 13 मरीज के होइस मउत

छत्तीसगढ़ म कोरोना पार करिस सवा लाख के आंकड़ा, 13 मरीज के होइस मउत

06-Oct-2020

रायपुर। प्रदेस म सम्मार के 2681 नवा कोरोना मरीज के पहिचान होइस। उंही 564 लोगन ल अस्पताल ले छुट्टी दिस। अऊ 13 मरीज के इलाज के दौरान मउत हो गेय।

अब राज्य म कोरोना के संख्या बाढ़ के 1,26,005 हो गेय। जेमा 97067 मरीज ल डिस्चार्ज करे जा चुके हे। अऊ सक्रिय केस के संख्या घट के 27857 हो गेय। अऊ प्रदेस म मउत के आंकड़ा बाढ़ के 1081 हो गेय।

किसान आत्महत्या के बाद सरकार के सख्ती, जांच के बाद सील करिस कृसि दवई के 3 दुकान

किसान आत्महत्या के बाद सरकार के सख्ती, जांच के बाद सील करिस कृसि दवई के 3 दुकान

06-Oct-2020

दुर्ग।  किसान आत्महत्या के बाद प्रसासन सख्ती बरत हे। जिला म कृसि अधिकारी मन कृसि दवई के 3 दुकान म छापा मारिस अऊ जांच के बाद दुकान ल सील कर देय गिस। दुकान म अनियमितता मिले के बाद ये कार्रवाई करे गिस। इंही दुकान म मृतक किसान ह कीटनासक दवई खरीदे रहिस।

गृह मंत्री ताम्रध्वज साहू ल मृतक किसान के पिता बताइस कि कीटनासक दवा के छिड़काव के बाद घलो फसल बरबाद हो गेय। येकर सेती मोर बेटा दुर्गेश दुखी अऊ परेसान रहिस। दुर्गेश ल ओकर पिता ह परेसान मत हो कहे रहिस। अऊ कहे रहिस कि ये नुकसान के हम सब परिवार मिलजुल के भरपाई करबो, फेर वोहा दुखद कदम उठा लिस।

 1924 नवा कोरोना मरीज के होइस पहिचान, 9 के हो गेय मउत

1924 नवा कोरोना मरीज के होइस पहिचान, 9 के हो गेय मउत

05-Oct-2020

रायपुर। प्रदेस म इतवार 1924 नवा कोरोना मरीज के पहिचान करे गिस। उंहे 496 मरीज अस्पताल ले डिस्चार्ज होइस।

राज्य म कोरोना संख्या बाढ़ के 123324 हो गिस। जेमा 93731 लोगन ल इलाज के बाद छुट्टी देय गिस। अऊ 9 झन के मउत हो गेय। येकर संग ही कुल मउत के आंकड़ा बाढ़ के 1045 पहुंच गिस।

मेडिकल कॉलेज अस्पताल म परिजन मन करिस जोरदार हंगामा, लइका ल दूसर ग्रुप के खून चढ़ाय के लगाइस आरोप

मेडिकल कॉलेज अस्पताल म परिजन मन करिस जोरदार हंगामा, लइका ल दूसर ग्रुप के खून चढ़ाय के लगाइस आरोप

05-Oct-2020

 

अंबिकापुर।  मेडिकल कॉलेज अस्पताल म एक बार फेर डॉक्टर अऊ नर्स के लापरवाही सामने आइस, जिहां 24 दिन के नवजात ल दूसर ग्रुप के खून चढ़ा दिस। परिजन मन ये मामला म बड़े लापरवाही करे के आरोप प्रबंधन ऊपर लगाइस। दूसर तरफ प्रबंधन अइसन कोनो घटना ले इनकार करिस।

सूरजपुर जिला के गांव तारा ले डिलेवरी करवाय बर महिला मेडिकल कॉलेज अम्बिकापुर म आय रहिस। इंहा बच्चा कमजोर पैदा होय के बाद वेंटेलेटर म राखे गेय रहिस। इहां एक संग कई लइका के इलाज डॉक्टर अऊ नर्स के देख रेख म होत हे। लापरवाही वो बेरा होइस जब  लइका ल खून के जरूत पड़िस। येकबर बाद महिला के लइका ले खून चढ़ाय गिस। जब परिजन ल येकर जानकारी होइस तब अस्पताल परिसर म हंगामा करिस। हंगामा होय के बाद नर्स मन लइका ल खून चढ़ाय बर रोक दिस।

येती ड्यूटी म तैनात डॉक्टर ह कहिस कि खून के जरुरत होथे त परिजन ले खून मंगवाय जाथे, फेर खून त मंगवाय नई गिस। खून चढाय के कोना बात नई हे।

पुलिस 15 घंटा के अंदर लूट के मामला ल सुलझाइस, मास्टमाइंड निकलिस कंपनी के पुराना कर्मचारी

पुलिस 15 घंटा के अंदर लूट के मामला ल सुलझाइस, मास्टमाइंड निकलिस कंपनी के पुराना कर्मचारी

05-Oct-2020

कोरबा। लूट के 15 घंटे के भीतर पुलिस ह आरोपी ल पकड़े म सफलता मिलिस। लूट के घटना ल कोल ट्रांसपोर्ट कंपनी के असिस्टेन्ट कैसियर ह अपन साथी के संग मिलके करे रहिस। पुलिस ह आरोपी केसियर ले साढ़ 10 लाख रुपया जब्त कर लिस।

दीपका थाना क्षेत्र म स्थित सैनिक माइनिंग कोल ट्रांसपोर्ट कंपनी के दफ्तर म सनिच्चर के रात नकाबपोस अपराधी मन गार्ड ल बंधक बनाके 31 लाख रुपया  लूट कर के फरार हो गेय रहिस। घटना के जानकारी मिलके के बाद एसपी अभिषेक मीणा मउका म पहुंच के मामला के जांच करिस। बंधक बनाय गेय गार्ड ले पूछताछ करिस, जेमा महत्वपूर्ण जानकारी निकल सामने आइस।

पुलिस सैनिक माइनिंग के कैसियर जेएलप्रसाद ल हिरासत म लेके पूछताछ करिस। सख्ती ले पूछताछ करिस त वोहा टूट गेय अऊ अपन अपराध स्वीकार कर लिस। जेकर बाद पुलिस लूट के साढ़े 10 लाख रुपया ल जब्त करिस। अऊ ये घटना म सामिल दूसर आरोपी मन ल घलो गिरफ्तार करिस। पुलिस हिरासत म लेय गेय आरोपी जेएल प्रसाद सैनिक कोल ट्रांसपोर्ट कंपनी म 20 साल ले काम करत रहिस।

छत्तीसगढ़ म घटिस कोरोना के सक्रिय मरीज, 15 मरीज के होइस मउत

छत्तीसगढ़ म घटिस कोरोना के सक्रिय मरीज, 15 मरीज के होइस मउत

04-Oct-2020

रायपुर। प्रदेस म सनिच्चर के 2610 नवा कोरोना मरीज के पहिचान होइस। उंही 505 लोगन ल अस्पताल ले छुट्टी देय गिस। अऊ 15 मरीज के इलाज के दौरान मउत हो गेय।

अब राज्य म कोरोना के संख्या बाढ़ के 1,21,400 हो गेय। जेमा 91077 ल डिस्चार्ज करे जा चुके हे। अऊ सक्रिय केस के संख्या घट के 29292 हो गेय। अऊ प्रदेस म मउत के आंकड़ा बाढ़ के 1031 हो गेय।


Previous123456789...3233Next