दिल्ली अब स्वच्छ होही अबूझमाड़ के झाड़ू ले, स्वयं सहायता समूह ह कमाइस लाखो रुपया ...

दिल्ली अब स्वच्छ होही अबूझमाड़ के झाड़ू ले, स्वयं सहायता समूह ह कमाइस लाखो रुपया ...

06-May-2020

रायपुर। छत्तीसगढ़ के वन क्षेत्र म विभिन्न लघु वन उपज के अकूत भण्डार हे। बरसो पहिली वन क्षेत्र म वन उपज संग्रहन अऊ बिक्रय ग्रामीन मन के आय के प्रमुख साधन रहिस। मुख्यमंतरी भूपेश बघेल के राज्य म लघु वन उपज के संग्रह करइया मन ल सही दाम दिलाय बर प्रयासरत हवय। लघु वन उपज संघ के इंही प्रयास के नतीजा हरय जउन नारायणपुर जइसे अंचल म ग्रामीन मन ल आज अपन लघु वन उपज के सही दाम मिलते हे अऊ संग म महिला स्व सहायता समूह के माध्यम ले संग्रहित अऊ ओकर ले बने वन उत्पाद के पहुंच आज देस के राजधानी दिल्ली तक होय हे। 

नारायणपुर के आदिवासी ग्रामीन परंपरागत रूप ले फूलझाडू के निर्माण करत आत हे। फेर कोनो प्रकार ले सासकीय सहायत अऊ मार्गदर्सन नई मिले ले ये वन उत्पद के सही दाम नई मिल पात रहिस। फेर बीते बछर म राज्य लघु वन उपज संघ के निर्देस म जिला यूनियन नारायणपुर डाहर ले ओरछा जइसे अबूझमाड़ क्षेत्र के गांव के तीन महिला समूह के चयन फूल झाडू घास खरीद करे बर करिस। अऊ 5.25 लाख रुपए के रासि प्रदान करे गिस। समूह ह कच्चा माल ल नारायणपुर स्थित मां जगदम्बा स्वयं सहायता समूह ल बेचक के 3.15 लाख रूपए के लाभ कमाइस।

मां जगदम्बा स्वयं सहायता समूह ह केन झाड़ू के निर्मान करत हे। समूह के सदस्य मन अब तक 86 हजार 460 झाड़ू के निर्मान कर डरे हे। येला पहिली स्थानीय बाजार म बेचत रहिस फेर बिक्री नई होय के सेती राज्य लघु वनोपज संघ ह बेचे बर बाजार उपलब्ध कराइस। जेकर तहत नाफेड नई दिल्ली ले 35 हजार झाड़ू के आर्डर मिलिस। जेकर पूर्ति संजीवनी मार्ट कांकेर माध्यम ले आज करत हे। येकर ले अब एकमुश्त 35 हजार झाड़ू बेचाइस। जेकर कीमत 11.90 लाख रुपए हे. येकर ले समूह ल 5.79 लाख रुपए के लाभ मिलिस। जेकर सेती सदस्य मन अब्बड़ खुस अऊ उत्साह ले जीवन व्यतीत करत हवय।

मुख्यमंतरी के निर्देस म दूसर प्रदेस म फंसे छत्तीसगढ़ के मजदूर मन ल लाय के तइयारी सुरू, आठ रेलवे स्टेसन म उतारे जाहि...

मुख्यमंतरी के निर्देस म दूसर प्रदेस म फंसे छत्तीसगढ़ के मजदूर मन ल लाय के तइयारी सुरू, आठ रेलवे स्टेसन म उतारे जाहि...

06-May-2020

रायपुर। मुख्यमंतरी भूपेश बघेल के निर्देस के बाद राज्य सासन ह लॉकडाउन के सेती दूसर प्रदेस म फंसे छत्तसीगढ़ के मजदूर ल वापिस लाय के तइयारी सुरू कर देय हे। ये मजदूर मन ल रेल के माध्यम ले छत्तीसगढ़ लाय जाहि, जेकर बर सरकार ह 8 रेल स्टेसन चुने हे। जेमा बिलासपुर, चांपा, बिश्रामपुर, जगदलपुर, भाटापारा, रायपुर, दुर्ग अऊ राजनांदगांव स्टेसन प्रस्तावित हे।

परिवहन बिभाग के सचिव डॉ कमलप्रीत सिंह ह रायपुर के डिविजनल रेलवे मैनेजर ल पत्र लिखके रेल मंत्रालय के गाइडलाइन के अनुसार सब्बो व्यवस्था के आंकलन करे बर कहे हे। डॉ कमलप्रीत सिंह ह कहिस कि छत्तीसगढ़ अवइया मजदूर ल चिन्हित रेलवे स्टेसन म रोके जाहि। अऊ रेल मंत्रालय के गाइड लाइन के तहत होल्डिंग एरिया म स्वास्थ्य परीक्षन कराय जाहि। येकर संग ही ओला स्वारंटीन म रखे के व्यवस्था घलो करे जाहि। 

परिवहन सचिव ह डीआरएम ल जिला कलेक्टर ले समन्वय करके रेलवे मंत्रालय के गाइडलाइन के तहत रेलवे स्टेसन म उपलब्ध व्यवस्था अऊ सुविधा के आंकलन करे बर कहे हवय। ओंहा कहिस कि येकर बर जिला प्रसासन अऊ रेलवे के अधिकारी संयुक्त रूप ले सर्वेक्षन कर लय काबर कि मजदूर के आय के बाद ओकर स्वास्थ जांच करे जाहि। येकर बाद सब ल भोजन अऊ क्वारंटाइन म रखे के व्यवस्था आसानी से करे जा सकय।

एक सहायक आरक्षक फांसी लगाके करिस खुदकुसी, पुलिस जुटिन जांच म

एक सहायक आरक्षक फांसी लगाके करिस खुदकुसी, पुलिस जुटिन जांच म

06-May-2020

दंतेवाड़ा। गीदम नगर के फूलपदर जंगल म सहायक आरक्षक ह पेड़ म फांसी लगाके खुदकुसी कर लिस। मृतक कारली पुलिस लाइन म पदस्थ रहिस।

मृतक सहायक आरक्षक के नाव सोम चंद्र निषाद रहिस। पुलिस ह घटनास्थल म पहुंचके सव ल पोस्टमार्टम बर भेज दिस। सव के पास एक मोटरसाइकिल घलो मिलिस। फेर आरक्षक के आत्महत्या के कोनो कारन पता नई चलिस। पुलिस घटना के जांच म जुट गये हवय।

छत्तीसगढ़ म मिलिस एक अऊ कोरोना मरीज, 26 बछर के महिला पाय गिस संक्रमित

छत्तीसगढ़ म मिलिस एक अऊ कोरोना मरीज, 26 बछर के महिला पाय गिस संक्रमित

06-May-2020

रायपुर। छत्तीसगढ़ म आज एक अऊ कोरोना पॉजिटिव मिलिस हे। संक्रमित महिला भिलाई फरीदनगर के रहइया हरय। ओकर उमर 26 बछर बताय जात हे। ओंहा नागपुर ले ट्रक म सवार होके आय रहिस। अऊ ओला घर म क्वारंटाइन करके राखे गेय रहिस। आज के केस ल मिलाके दुर्ग जिला म पीड़ित मन के संख्या बाढ़ के 10 हो गेय हे। 

एम्स ह ट्वीट कर कहिस कि कोरोना पॉजिटिव महिला ल जलदी एम्स रायपुर म भर्ती करे जाहि। अब प्रदेस म एक्टिव केस के संख्या बाढ़ के 23 हो गेय हे। बता दें कि प्रदेस म कुल संक्रमित केस के संख्या 59 हो गेय हे. जेमा 36 लोगन स्वस्थ होके घर चल देय हवय।

कुल कोरोना संक्रमित मरीज
कोरबा में – 28,
दुर्ग – 10,
रायपुर  – 07,
कवर्धा – 06,
सूरजपुर – 06,
बिलासपुर – 01,
राजनांदगांव – 01.

राजधानी रायपुर म मिलिस एक अऊ कोरोना संक्रमित, एम्स प्रबंधन करिन पुस्टि

राजधानी रायपुर म मिलिस एक अऊ कोरोना संक्रमित, एम्स प्रबंधन करिन पुस्टि

05-May-2020

रायपुर. कोरोना वायरस ल लेके छत्तीसगढ़ ले सम्मार के एक दुखद खबर आइस। राजधानी रायपुर म एक व्यक्ति कोरोना पॉजिटिव पाय गिस। येकर पुस्टि एम्स रायपुर ह करिस हवय।

कोरोना पॉजिटिव मरीज सरस्वती नगर थाना क्षेत्र के कुकुरबेड़ा के रहइया हरय। आज मिले केस ल मिलाके अब प्रदेस म कोरोना के एक्टिव केस बाढ़ के 22 हो गेय हे। रायपुर म जउन पॉजिटिव पाये गेय हे वो युवक हरय अऊ ओकर उम्र 24 बरस हे। ये मामला के जानकारी एम्स ब ट्वीट कर दिस हवय।

उंहे इतवार के दुर्ग ले 8 अऊ कवर्धा ले 6 कोरोना के मरीज मिले रहिस। कोरोना के सिकार लोगन म सब्बो मजदूर हरय। जउन दूसर राज्य ले लौटे रहिस। कवर्धा म सामने आय संदिग्ध लोगन रेंगाखार अऊ समनापुर के क्वारंटाइन सेंटर म राखे गेय हे। ये मजदूर महाराष्ट्र अऊ तेलंगाना ले लौटे रहिस। अऊ दुर्ग जिला म संक्रमित पाय गेय मजदूर महाराष्ट्र, आंध्रप्रदेश, पश्चिम बंगाल ले आय रहिस। जेन ल आइसोलेसन म राखे गेय रहिस।

राजधानी म चाकूबाजी के एक आरोपी होइस गिरफ्तार, एक आरोपी पहिली के हो चुके हवय...

राजधानी म चाकूबाजी के एक आरोपी होइस गिरफ्तार, एक आरोपी पहिली के हो चुके हवय...

04-May-2020

रायपुर। राजधानी के सेंचुरी कॉलोनी म चाकूबाजी के मुख्य आरोपी ल पुलिस ल गिरफ्तार कर ले गिस। आरोपी घटना ल अंजाम देके लगातार फरार चलत रहिस। मुखबिर ले सूचना मिले के बाद पुरानी बस्ती पुलिस विशेष टीम बनाइस अऊ कटोरा तालाब के पास आरोपी ल धर दबोचिस। ये मामला के एक आरोपी पहिली ही जेल जा चुके हे।

पुलिस ह बताइस कि 24 अप्रैल के डीडी नगर म मामूली विवाद म अक्षय द्विवेदी ऊपर आदतन अपराधी विनय रक्सेल अऊ ओकर संगवारी गोलू निर्मलकर चाकू से हमला कर दिस। घटना के बात ही पुलिस ह गोलू निर्मलकर ल गिरफ्तार कर लेय गिस। फेर मुख्य आरोपी विनय रक्सेल फरार चलत रहिस। जेकर पुलिस लगातार तलास करत रहिस। इही बेरा रविवार के सूचना मिलिस कि विनय कटोरा तालाब के पास घूमत हे। सूचना के बाद पुलिस तत्काल मौका म दबिस दिस, अऊ मुख्य आरोपी ल गिरफ्तार कर लेय गिस।

मुख्यमंतरी भूपेश बघेल करिन अपील, बाहर ले आय लोगन अपन जानकारी मत छिपावव, क्वारंटाइन के करव पालन...

मुख्यमंतरी भूपेश बघेल करिन अपील, बाहर ले आय लोगन अपन जानकारी मत छिपावव, क्वारंटाइन के करव पालन...

04-May-2020

रायपुर। मुख्यमंतरी भूपेश बघेल ह लोगन ले अपील करिन कि बाहर ले अवइया लोगन जानकारी मत छिपावव और स्वास्थ्य बिभाग डाहर ले जारी क्वारेंटाइन नियम के पालन करव। तभे कोरोना वायरस (कोविड-19) के संक्रमन ल रोकहि ।

मुख्यमंतरी ह कहिन कि आज प्रदेस म कोरोना संक्रमित 14 नवा मरीज के पुस्टि होइस। ये सब्बो बाहर ले आय लोगन हरय अऊ सरकार सब्बो झन ल क्वारेंटाईन सेंटर में रखे गेय हे। जिहां परीक्षन के बाद ओकर कोरोना संक्रमन के पुष्टि होइस। ये लोगन के क्वारंटाइन सेंटर म रूके रहिस तेकर सेती सब्बो के जांच हो सकिस।

मुख्यमंतरी कहिन कि राज्य सरकार ये संबंध म पहिली घलो लोगन ल कहे रहिस कि बाहर ले अवइया सब्बो लोगन ल जानकारी देय हंव अऊ ओला निर्धारित क्वारंटाइन के पालन करायन, येकरे सेती दूसर लोगन मन ल संक्रमन ले बचाय हंव।

तालाबंदी म फंसे मजदूर मन ल भेजे गिस झारखंड, सोसल डिस्टेंसिंग रखे गिस विसेस ध्यान

तालाबंदी म फंसे मजदूर मन ल भेजे गिस झारखंड, सोसल डिस्टेंसिंग रखे गिस विसेस ध्यान

04-May-2020


गरियाबंद। तालाबंदी म फंसे 44 मजदूर के पहिली बस इतवार के गरियाबंद ले निकलिस। मजदूर ल रायपुर के धर्मपुरा के सत्संह भवन म छोड़े गिस। जिंहा ले झारखंड भेजे गिस।  
गरियाबंद जिला के अलग-अलग हिस्सा म झारखंड के 44 मजदूर काम करत रहिस। झारखंड के प्रभारी गरियाबंद जिला के रेशम विभाग के अधिकारी एसके कोल्हेकर के नेतृत्व म रायपुर रवाना करे गिस।
प्रभारी अधिकारी बताइस कि मजदूर मन ल पिकअप के स्थान लेके रायपुर ड्राप स्थान तक सोशल डिस्टेंसिंग के पूरा ध्यान रखे गिस। एक सीट म एक व्यक्ति ल बिठाय गिय, ताकि कोनो प्रकार के कोई समस्या नई होइस।

उंहा बताइस कि सब्बो मजदूर ल रायपुर के धर्मपुरा म ड्राप करे आदेश मिले रहिस। कृसि महाविद्यालय के बाजू म येला ड्रॉप करे गिस, जिहां ले झारखंड के बस म बिठा के भेजे गिस।

छत्तीसगढ़ म कोरोना के अऊ 14 केस आइस, राज्य म अब 21 एक्टिस केस

छत्तीसगढ़ म कोरोना के अऊ 14 केस आइस, राज्य म अब 21 एक्टिस केस

04-May-2020

रायपुर। छत्तीसगढ़ म कोरोना पॉजिटिव के संख्या म लगातार बाढ़हत हवय। इतवार के दुर्ग अऊ कवर्धा जिला नवा 14 पॉजिटिव मिलिस। प्रदसे म अब कोरोना के 21 एक्टिव केस हो गेय हवय। दुर्ग म कोरोना के 8 अऊ कवर्धा म 6 मरीज मिले हे। कोरोना के सब्बो मरीज मजदूर हरय, जउन दूसर राज्य ले आय रहिस।

कवर्धा म मिले संदिग्ध मन ले रेंगाखार अऊ समनापुर के क्वारंटाइन सेंटर म रखे गेय हे। सब्बो मजदूर महाराष्ट्र, आंध्रप्रदेश, पश्चिम बंगाल से आय रहिस। मजदूर मन ल आइसोलेसन म रखे गेय हे।
एम्स रायपुर के अधीक्षक डाक्टर करण पीपरे ह कहिन कि पॉजिटिव पाय मरीज ल एम्स लाय गिस। एम्स रायपुर ट्वीट करके जानकारी दिस। बताइस कि पॉजिटिव पाय गेय ट्रेवल हिस्ट्री हवय। 14 में से 12 पुरुस अऊ 1 महिला पॉजिटिव हवय। 

 

छत्तीसगढ़ के आईएएस मन देहि अपन एक दिन के बेतन, एसोसिएसन के अध्यक्ष मुख्यमंतरी ल पत्र लिख दिन जानकारी

छत्तीसगढ़ के आईएएस मन देहि अपन एक दिन के बेतन, एसोसिएसन के अध्यक्ष मुख्यमंतरी ल पत्र लिख दिन जानकारी

02-May-2020

रायपुर। छत्तीसगढ़ आई.ए.एस. एसोसिएशन अप्रैल महिना जइसे ये महिना घलो एक दिन के बेतन मुख्यमंतरी सहायता कोस म देय फइसला करे हवय। एसोसिएसन के अध्यक्ष कहिन सीके खेतान ह मुख्यमंतरी ल पत्र लिख के ये फइसला के जानकारी दिस हे।

खेतान ह मुख्यमंतरी ल भेजे गये पत्र म कहिन कि छत्तीसगढ़ म कोरोना वायरस के संक्रमन ले बचाव अऊ रोकथाम बर मुख्यमंतरी ह गरीब मन बर सहयोग के काम करत हे। ये काम म आईएएस अधिकारी घलो टीम भाना ले काम म लगे हवय।

राज्य के आइएएस अधिकारी के संग कर्मचारी मन कोरोना संकट ले निपटे भर अपन योगदान देत हे। अऊ कहिस कि तालाबंदी 17 मई तक बर केंद्र सरकरा बढाय गेय हे फेर छत्तीसगढ़ पहिली ले संक्रमन ल रोक म सफल होय हे। खेतान ह मुख्यमंतरी के कोरोना संक्रमन ल रोक के रखे हे। ये पूरा भूपेश बघेल के रननीति अऊ मेहनत के सेती हो पाइस।