स्कूटी सवार इंजीनियर के दुर्घटना म दर्दनाक मउत, ड्राइवर गिरफ्तार

स्कूटी सवार इंजीनियर के दुर्घटना म दर्दनाक मउत, ड्राइवर गिरफ्तार

03-Mar-2020

  डौंडी। तेज रफ्तार पिकअप के ठोकर ले स्कूटी सवार एक युवती गंभीर रूप ले घायल हो गेय। उपचार बर अस्पताल लाय गिस, जिहां डॉक्टर मन ओला मउत घोषित कर दिस।

 डौंडी ले भानुप्रतापुर डाहर एक तेज रफ्तार पिकअप जात रहिस। उंही बेरा बंधिया टोला जगह स्कूटी सवार रीना केराम ल अपन चपेट म ले लिस। डौंडी जनपद के मनरेगा शाखा में इंजीनियर के पद पर कार्यरत रीना केराम ल  दुर्घटना म सिर म गंभीर चोट पहुंचिन।

आसपास के लोगन मन 108 के मदद ले उपचार बर सामुदायिक स्वास्थ्य केंद्र ले गेय गिस, जिहां डॉक्टर मन ओला मउत के घोषणा कर दिस। डौंडी पुलिस ह मामला के आरोपी पिकअप ड्राइवर को पकड़िस है, अऊ मामला पंजीबद्ध कर कार्रवाई म जुटिन।

रईपुर शाहीनबाग के धरना खत्म, 56 दिन ले करत रहिन प्रदर्सन

रईपुर शाहीनबाग के धरना खत्म, 56 दिन ले करत रहिन प्रदर्सन

03-Mar-2020

रायपुर। राजधानी के जय स्तंभ चौक म शाहीनबाग के तरह चलत प्रदर्सन सम्मार रतिया कन समाप्त हो गिस. इहा हजारों लोगन अऊ सामाजिक संस्था 56 दिन ले सीएए के विरोध म धरना देत रहिस। प्रदर्सन म रोज लोगन जुटत रहिस। ये प्रदर्सन ल बंद करे बर भारी पुलिस बल पहुंचे रहिन। पुलिस ह पहले ही प्रदर्सन बंद करे के चेतावनी देय रहिन।          

बलवा के स्थिति ले निपटे बर पुलिस के विसेस टीम बुलाय गिस। संग म महिला बल घलो रहिन। भीड़ एक घंटे तक मौन प्रदर्सन करिस। जेला हटाय म पुलिस ल सफलता मिलिस। मौका म दर्जनों थाना प्रभारी, सीएसपी के संग पुलिस के बड़े अधिकारी मौजूद रहिन।  

आयकर विभाग छापा के मामला विधानसभा म गुजिस,  विपक्ष करिन हंगामा, कार्यवाही होइस स्थगित

आयकर विभाग छापा के मामला विधानसभा म गुजिस, विपक्ष करिन हंगामा, कार्यवाही होइस स्थगित

02-Mar-2020

रायपुर। प्रदेस म जारी आयकर विभाग के छापा के असर सम्मार के विधानसभा म घलो देखे बर मिलिस। प्रश्नकाल के बाद विपक्ष ह काम रोको प्रस्ताव लाइस अऊ इनकम टैक्स छापा के मुद्दा उठाइस। विधानसभा अध्यक्ष ह बीजेपी अऊ जनता कांग्रेस के काम रोको प्रस्ताव के सूचना ल  खारिज कर दिन। जेकर बाद सदन म जोरदार हंगामा होइस। जेकर सेती सदन के कार्रवाई पांच मिनट बर स्थगित कर देय गिस।

भाजपा विधायक ननकी राम कंवर कहिन कि सदन म सब्बो मंत्री के ऊपर सासकीय कार्य म बाधा डाले के अपराध दर्ज करे के मांग करिन। अऊ कहिन कि केंद्र सरकार ल कहो छापा मारे के अधिकार हवय। जनता कांग्रेस के विधायक धर्मजीत सिंह कहिन कि मात्र 20 गाड़ी काबर जब्त करे गिस। कइसे इनकम टैक्स ले सरकार अस्थिर हो जाहि। अधिकारी ऊपर छापा मंत्री मन ल बिरोध नई करना चाही।

कांग्रेस विधायक विनय जायसवाल कहिन कि सब्बो एजेंसी भारत सरकार के कठपुतली के तरह काम करत हवय। जनता कांग्रेस के अजीत जोगी कहिन कि परिणाम के इंतज़ार करना चाही। सरकार के कोनो मंत्री ऊपर छापा नई मारे हे। चोर के दाढ़ी म तिनका कहावत कहत कहिन कि CBDT मामला म प्रेस कांफ्रेंस करहि, अभी ले काबर प्रतिक्रिया व्यक्त करत हव। संसदीय मंत्री चौबे कहिन कि ये विसय सदन म चर्चा के नई हे।

हंगामा के बाद विधानसभा अध्यक्ष डॉ. चरण दास महंत कहिन कि  मोला सदस्य मन ल सुने बर दव। भाजपा विधायक मन के अऊ कांग्रेस विधायक मान के बीच जमकर आरोप-प्रत्यारोप लगाइन।

बिलासपुर के लापता होशियार छात्रा झांसी म मिलिस, पुलिस ल गृहमंत्री ताम्रध्वज साहू दिन बधई

बिलासपुर के लापता होशियार छात्रा झांसी म मिलिस, पुलिस ल गृहमंत्री ताम्रध्वज साहू दिन बधई

02-Mar-2020

बिलासपुर। गुरु घासीदास केंद्रीय विश्वविद्यालय के होशियार छात्रा रामेश्वरी राव मराठा ल पुलिस खोज लेय हवय। छात्रा झांसी म सकुशल मिलिस। बिलासपुर पुलिस के टीम ओला लेय बर झांसी रवाना होगे हवय। एसपी प्रशांत अग्रवाल ह बताइस कि छात्रा बिलासपुर ले दिल्ली जाय बर निकले रहिस। जेला ट्रेस कर लेय गिस हे. छात्रा झांसी म मिल गेय हवय। ओला लेय बर इहां ले एक टीम रवाना करे गेय हवय। ये मामला म अभी तक कोनो प्रकार के अपराध के बात आगु नई आय हे। छात्रा अपन मर्जी ले गेय रहिस।

छात्रा सकुसल मिले के सूचना के बाद गृहमंत्री ताम्रध्वज साहू ट्वीट कर पुलिस ल बधाई दिन. ओहा कहनि कि गुरुघासीदास केंद्रीय विश्वविद्यालय के टॉपर छात्रा रामेश्वरी राव मराठा ल खोज लेय गिस। ओहा सकुशल झांसी म हे. बिलासपुर पुलिस के पूरा टीम ल येकर बर बहुत-बहुत बधई व सुभकामना।

गौरतलब है कि गृहमंत्री ताम्रध्वज साहू ह विसय ल गम्भीरता ले लिस। अऊ बिलासपुर एसपी प्रशांत अग्रवाल को छात्रा की सकुशल वापसी के लिए उचित कदम उठाने के लिए निर्देशित किया था। गृहमंत्री के निर्देश के बाद छात्रा की तलाशी में तेजी आई। जांच के दौरान पता चला कि वह बिलासपुर से दिल्ली जाने वाली ट्रेन में बैठी है। आरपीएफ की मदद से उसे उतारा गया।

आयकर विभाग के छापा, दिल्ली म कांग्रेस करिन पलटवार, कहिन- नान घोटाला जांच ल रोके बर अऊ भूपेश बघेल सरकार ल परेसान करे के कोसिस

आयकर विभाग के छापा, दिल्ली म कांग्रेस करिन पलटवार, कहिन- नान घोटाला जांच ल रोके बर अऊ भूपेश बघेल सरकार ल परेसान करे के कोसिस

01-Mar-2020

दिल्ली। छत्तीसगढ़ म आईटी छापा पड़े के बाद दिल्ली म सियासत गरमा गेय हवय। कांग्रेस ये छापा ल संघीय ढांचा के विरुद्ध बताइस। अऊ कांग्रेस आरोप लगाइस कि ये सब्बे केंद्र सरकार ह करात हवय। ये मामला ल लेके आज दिल्ली म अखिल भारतीय कांग्रेस कमेटी के नेता मन प्रेसवार्ता करिस। कांग्रेस के राष्ट्रीय प्रवक्ता रणदीप सुरजेवाल आरोप लगाइस कि मोदी सरकार भाजपा सरकार म होय भ्रष्टाचार ल दबाय बर ये सब काम करत हवय। भूपेश सरकार मोदी सरकार के करीबी उद्योगपति मन ल राज्य म काम करे ले रोके हे, त केंद्र सरकार बखौलहट म संविधान के विरुद्ध कार्रवाई करत हे. छत्तीसगढ़ म भाजपा सरकार के कार्यकाल म 36 हजार करोड़ के नान घोटाला होय हवय। ये घोटाला के जांच भूपेश सरकार म नवा तरीका से होत हवय। ये घोटाला म पूर्व मुख्यमंत्री रमन सिंह के परिवार फंसे हवय। पनाम पेपर म भी रमन सिंह के बेटे पूर्व सांसद अभिषेक सिंह के नाम आय रहिस। ये सब्बो चीज ले भाजपा नेतृत्व डर गेय हे. ओला डर हे कहीं ये मामला म जांच के आंच दिल्ली तक न पहुंच जाए येकर सेती कांग्रेस सरकार डराय के, रोके बर, परेसान करे बर केंद्रीय एजेंसी के सहारा लेत हवय। मोदी सरकार आईटी, ईडी, डीआरआई, सीआरपीएफ ल एक संग मिलाके कार्रवाई करत हे.

पीएल पुनिया कहिन कि  21 घोटाला के जांच चलत हवय। रमन सिंह के खिलाफ, ओकर परिवार के खिलाफ, ओकर पूर्व प्रमुख सचिव अमन सिंह के खिलाफ. भ्रष्टाचार के पैसा नागपुर भेजे के काम करे जात रहिस। नान के डायरी जउन रमन सिंह के कार्यकाल म मिले रहिस। रमन सिंह ल पैसे देय गिस। ओकर परिवार ल पैसे देय गिस। भाजपा 15 बछर ले भ्रस्टाचार म डूबे रहिस।  जनहित के उपेक्षा करइया ल जनता ह भगाइस अऊ तीन चौथाई बहुमत ले कांग्रेस के सरकार बनाइस।

पुनिया कहिन कि छत्तीसगढ़ म एक ईमानदार सरकार काम करत हवय। 1 बछर म भूपेश सरकार ह ऐतिहासिक काम करिस हे. भूपेश बघेल ह 11000 करोड़ माफ करिन,  6000 धान के खरीदी करिस. केंद्र सरकार येमा अड़चन लगाय के नीति अपनाइस, फेर सफल नई होइस। पुनिया कहिन कि  हर संविधानिक अऊ कानूनी पहलू के बारे म छग सरकार राय लेके उचित कार्रवाई करहि।

आयकर विभाग के छापा, दिल्ली म कांग्रेस करिन पलटवार, कहिन- नान घोटाला जांच ल रोके बर अऊ भूपेश बघेल सरकार ल परेसान करे के कोसिस

आयकर विभाग के छापा, दिल्ली म कांग्रेस करिन पलटवार, कहिन- नान घोटाला जांच ल रोके बर अऊ भूपेश बघेल सरकार ल परेसान करे के कोसिस

01-Mar-2020

दिल्ली। छत्तीसगढ़ म आईटी छापा पड़े के बाद दिल्ली म सियासत गरमा गेय हवय। कांग्रेस ये छापा ल संघीय ढांचा के विरुद्ध बताइस। अऊ कांग्रेस आरोप लगाइस कि ये सब्बे केंद्र सरकार ह करात हवय। ये मामला ल लेके आज दिल्ली म अखिल भारतीय कांग्रेस कमेटी के नेता मन प्रेसवार्ता करिस। कांग्रेस के राष्ट्रीय प्रवक्ता रणदीप सुरजेवाल आरोप लगाइस कि मोदी सरकार भाजपा सरकार म होय भ्रष्टाचार ल दबाय बर ये सब काम करत हवय। भूपेश सरकार मोदी सरकार के करीबी उद्योगपति मन ल राज्य म काम करे ले रोके हे, त केंद्र सरकार बखौलहट म संविधान के विरुद्ध कार्रवाई करत हे. छत्तीसगढ़ म भाजपा सरकार के कार्यकाल म 36 हजार करोड़ के नान घोटाला होय हवय। ये घोटाला के जांच भूपेश सरकार म नवा तरीका से होत हवय। ये घोटाला म पूर्व मुख्यमंत्री रमन सिंह के परिवार फंसे हवय। पनाम पेपर म भी रमन सिंह के बेटे पूर्व सांसद अभिषेक सिंह के नाम आय रहिस। ये सब्बो चीज ले भाजपा नेतृत्व डर गेय हे. ओला डर हे कहीं ये मामला म जांच के आंच दिल्ली तक न पहुंच जाए येकर सेती कांग्रेस सरकार डराय के, रोके बर, परेसान करे बर केंद्रीय एजेंसी के सहारा लेत हवय। मोदी सरकार आईटी, ईडी, डीआरआई, सीआरपीएफ ल एक संग मिलाके कार्रवाई करत हे.

पीएल पुनिया कहिन कि  21 घोटाला के जांच चलत हवय। रमन सिंह के खिलाफ, ओकर परिवार के खिलाफ, ओकर पूर्व प्रमुख सचिव अमन सिंह के खिलाफ. भ्रष्टाचार के पैसा नागपुर भेजे के काम करे जात रहिस। नान के डायरी जउन रमन सिंह के कार्यकाल म मिले रहिस। रमन सिंह ल पैसे देय गिस। ओकर परिवार ल पैसे देय गिस। भाजपा 15 बछर ले भ्रस्टाचार म डूबे रहिस।  जनहित के उपेक्षा करइया ल जनता ह भगाइस अऊ तीन चौथाई बहुमत ले कांग्रेस के सरकार बनाइस।

पुनिया कहिन कि छत्तीसगढ़ म एक ईमानदार सरकार काम करत हवय। 1 बछर म भूपेश सरकार ह ऐतिहासिक काम करिस हे. भूपेश बघेल ह 11000 करोड़ माफ करिन,  6000 धान के खरीदी करिस. केंद्र सरकार येमा अड़चन लगाय के नीति अपनाइस, फेर सफल नई होइस। पुनिया कहिन कि  हर संविधानिक अऊ कानूनी पहलू के बारे म छग सरकार राय लेके उचित कार्रवाई करहि।

सुपेबेड़ा म किडनी पीड़ित महिला के मउत, निजी अस्पताल म चलत रहिस इलाज

सुपेबेड़ा म किडनी पीड़ित महिला के मउत, निजी अस्पताल म चलत रहिस इलाज

27-Feb-2020

रायपुर. गरियाबंद जिला के सुपेबेड़ा म बुधवार के किडनी पीड़ित एक महिला के मउत हो गिस। परिजन महिला ल डायलिसिस कराय बर रायपुर डीकेएस अस्पताल लात रहिन फेर पचपेड़ी नाका कना महिला ह दम तोड़ दिस। महिला कोजिया बाई सुपेबेड़ा के आश्रित गांव ठिरली गुड़ा के रहइया रहिस। इलाज म परिवार के पूरा चीज सिरा गे। इलाज म करीब 8 लाख के खर्च होइस। परिवार के मन कहिस कि सरकार गांव म डायलिसिस मसीन लगाय के बात कहत रहिस। फेर आज तक नई लगाय हे। सरकारी आंकड़े के मुतिबिक अब तक 73 ग्रामीणों के किडनी बीमारी ले मउत होगे.

मृतका के बेटा सोप सिंह बताइस कि मोर महतारी आठ बछर ले किडनी के बीमारी ले पीड़ित रहिस। कई अस्पताल म लगातार इलाज चलत रहिस। भवानी पटना ले रायपुर डीकेएस हॉस्पिटल डायलिसिस कराय बर प्राइवेट गाड़ी म लेके आत रहिस। पचपेड़ी नाका के पास ओहा दम तोड़ दिस।

सोप सिंह कहिस कि ये परिस्थिति बर सरकार ज़िम्मेदार हे.  नेता अधिकारी सब्बो इहां आथे. अऊ राजनीतिक रोटी सेक के चले जाथे। आज तक सुपेबेड़ा म डायलिसिस मसीन चालू नई हो सकय। अगर डायलिसिस मसीन चालू होतिस त आज मोर महतारी के मउत नई होतिस।

डॉ खूबचंद बघेल स्वास्थ्य सहायता योजना म 512 पैकेज के बाढ़िस कीमत, लोगन ल समस्या ले मिलहि छुटकारा

डॉ खूबचंद बघेल स्वास्थ्य सहायता योजना म 512 पैकेज के बाढ़िस कीमत, लोगन ल समस्या ले मिलहि छुटकारा

27-Feb-2020

रायपुर। डॉ खूबचंद बघेल स्वास्थ्य सहायता योजना म 512 पैकेज के बाढ़े कीमत सप्ताह भर म लागू हो जाहि। अनुबंधित निजी अस्पताल मन पैकेज बढ़ाय के मांग करत रहिस। पैकेज बाढ़े ले लोगन ल बहुत राहत मिलहि।

राज्य सासन ह योजना म आवत समस्या ल बहुत हद तक दूर करे गेय हवय। समस्या दूर करे बर स्वास्थ्य मंत्री टीएस सिंहदेव ह निर्देस देय हवय।

नवा कीमत डॉ खूबचंद बघेल स्वास्थ्य सहायता योजना के साफ्टवेयर म अपलोड करे के काम घलो होगे। सप्ताह भर म साप्टवेयर म नवा कीमत अपलोड हो जाहि। अऊ निजी अस्पताल ये नवा कीमत के हिसाब ले अपन क्लेम करथे। बाचे भुगतान मार्च के पहलि हफ्ता म करे संभावना हवय।

डीकेबीएसएसवाये के समस्या ल दूर करे बर लगातार प्रयास होत हवय। ये संबंध म राज्य नोडल एजेंसी के मुख्य अधिकारी नीरज कुमार बंसोड अपन नीचे के अधिकारी, कर्मचारी ल निर्देस देय हवय। बंसोड़ ह निजी अनुबंधित अस्पताल ल आश्वस्त करे हवय कि योजना म सुचारू रूप ले काम होत रहय। सब्बो परेसानी ल समय म दूर ले जाही।

पुलिस नक्सली के बीच मुठभेड़, दू भरमार बंदूक अऊ सामान मिलिस, कई नक्सली घायल

पुलिस नक्सली के बीच मुठभेड़, दू भरमार बंदूक अऊ सामान मिलिस, कई नक्सली घायल

26-Feb-2020

कांकेर। कांकेर जिले के कोयलीबेड़ा क्षेत्र म पुलिस के नक्सली संग मुठभेड़ होइस। जेमा कई नक्सली घायल होय के खबर हवय। मुठभेड़ के बाद घटना स्थल ले दू भरमार बंदूक अऊ भारी मात्रा म नक्सल सामग्री बरामद होय हवय।

एसपी भोजराम पटेल बताइस कि कोयलीबेड़ा विकासखंड के ग्राम मिचबेड़ा म बुधवार तड़के बिहनिया तीन बजे नक्सली अऊ पुलिस गस्ती टीम के संग करीब एक घंटे तक आमने-सामने मुठभेड़ होइस। पुलिस टीम ल भारी पड़ता देख नक्सली अंधेरा अऊ जंगल के आड़ म भागे म सफल होगे।

मुठभेड़ के बाद घटना स्थल के सर्चिंग म दू भरमार बंदूक अऊ अन्य नक्सल साम्रगी मिले हवय। नक्सली मन के एक कैम्प ल घलो पुलिस मन ध्वस्त कर दिन। मुठभेड़ म कुछ नक्सली के घायल होय के आशंका हवय।

महिला अपन दू लइका संग कुआं म लगा दिस छलांग, तीनों के मउत

महिला अपन दू लइका संग कुआं म लगा दिस छलांग, तीनों के मउत

26-Feb-2020

वाड्रफनगर। बलरामपुर जिले के ग्राम पंचायत पंडरी म एक महिला अपन दू लइका के संग कुआं म कूद के जान देय दिस. मृतका के अपन पति से विवाद होत  रहिस। येकर सेती परेसान हो के अपन लइका संग प्राण त्याग दिस। फेर अभी मउत के कारण पता नई पाय हे। पुलिस पूरा मामला के जांच करत हवय।

ग्रामीन मन बताइस कि रात के 11 बजे पति-पत्नी के बीच झगरा होत रहिस। येकर बाद महिला हेमलता जायसवाल (30 वर्ष) अपन लइका प्रीतम जायसवाल (7 वर्ष) और प्रियाशी जायसवाल (4 वर्ष) ल लेके घर ले बाहर निकल गिस। अऊ घर के पास स्थित कुआं म दूनो लइका संग छलांग लगा दिस. बिहनिया कन पड़ोसी मन तीनों के सव कुआं म देखिस त परिजन मन ल बताइस। येकर बाद रघुनाथ नगर पुंलिस ल सूचना दिस। फेर मृतक के परिजन पुलिस ल मामला बताय म आनाकानी करिस। अऊ घर भाग गिस। पुलिस मामला ल संदिग्ध मान के जांच करत हवय।