मुख्यमंतरी भूपेश बघेल कोरोना विजय रथ के करिन सुरुआत, लोगन ल संक्रमन ले बचे बर करिन अपील

मुख्यमंतरी भूपेश बघेल कोरोना विजय रथ के करिन सुरुआत, लोगन ल संक्रमन ले बचे बर करिन अपील

22-Sep-2020

रायपुर। मुख्यमंतरी भूपेश बघेल इतवार के संक्रमण रोके बर कोरोना विजय रथ के सुरुआत करिन। रथ रायपुर सहर अउ ग्रामीण क्षेत्र म कोरोना से बचाव म जागरूकता लाहि। ये मउका म भूपेश बघेल लोगन कोरोना संक्रमन के रोकथाम अउ बचाव बर गाइड लाइन के पालन करे के अपील करिन। कहिन कि फिजिकल डिस्टेंस के पालन करव, मास्क लगाव, सेनेटाइजर साबुन ले हाथ धोवव, भीड़ म जाय ले बचव.    

मुख्यमंतरी बताइस कि राज्य सरकार पूरा ताकत के साथ ये लड़ाई म जुटे हे. सामाजिक अउ औद्योगिक संगठन के जुड़े ले हमार ताकत बाढ़िस। सब्बो झन के सहयोग ले हमन कोरोना के खिलाफ  जंग जरूर जीतबो। 
रोटरी व जेसीस क्लब जइसे सामाजिक संस्था ये जागरूकता कार्यक्रम के संचालन करत हे। येकर अंतगर्त रायपुर के कई वार्ड अउ आवासीय बस्ती, मोहल्ला म 6 कोरोना विजय रथ के संचालन संस्था के सहयोग ले करे जाहि।
रथ के माध्यम ले आम लोगन ल मास्क पहनने, सामाजिक दूरी के नियम के पालन, भीड़-भाड़ ले बचे के संदेस देहि। अउ व्यक्तिगत स्वच्छता के बिशेष ध्यान राखे के संदेस के संग सर्दी, खांसी, बुखार, फ्लू, स्वाद व गंध का पता नई लगे जइसे लक्षण मिले के बाद डाक्टर ले इलाज, दवा के जानकारी देहि। कोरोना मुक्ति रथ ले जरूरी जानकारी के संग पाम्प्लेट्स घलो बांटे जाहि।

बड़का खबर : सीएम भूपेश के पिता नंदकुमार बघेल होइन कोरोना पॉजिटिव, निजी अस्पताल म भर्ती..

बड़का खबर : सीएम भूपेश के पिता नंदकुमार बघेल होइन कोरोना पॉजिटिव, निजी अस्पताल म भर्ती..

13-Sep-2020

रायपुर। छत्तीसगढ़ म कोरोना के मामला बाढ़त जात हे. इतवार के मुख्यमंतरी भूपेश बघेल के पिता नंदकुमार बघेल कोरोना संक्रमित हो गेय। ओला रायपुर के एक निजी अस्पताल म भर्ती करे गेय हे। मुख्यमंतरी अस्पताल पहुंच के अपन पिता के हाल चाल जानिस।  

 नंदकुमार बघेल म कोरोना के सुरुआती लक्षन दिखिस। जेकर बाद ओकर कोरोना सैंपल लेय गिन. अउ आज होकर रिपोर्ट पॉजिटिव आइस। कोरोना के खतरा ल देखत हुए अस्पताल म भर्ती कराय गिन। अभी बघेल के डॉक्टर के निगरानी म इलाज चलत हे।  

मुख्यमंतरी भूपेश बघेल रेडियो वार्ता लोकवानी के दसवां कड़ी म कहिन- प्रदेस के आर्थिक-सामाजिक समस्या के समाधान, समावेसी बिकास से होही...

मुख्यमंतरी भूपेश बघेल रेडियो वार्ता लोकवानी के दसवां कड़ी म कहिन- प्रदेस के आर्थिक-सामाजिक समस्या के समाधान, समावेसी बिकास से होही...

13-Sep-2020

रायपुर। मुख्यमंतरी भूपेश बघेल इतवार के प्रसारित अपन रेडियो वार्ता लोकवानी के दसवां कड़ी म ‘समावेशी विकास-आपकी आस’ बिसय ऊपर अपन बिचार साझा करिन। कहिन कि महात्मा गांधी, पंडित नेहरू, सरदार पटेल, डॉ. अम्बेडकर, शास्त्री, आजाद, मौलाना जइसे हमर नेता जेन न्याय के बात करत रहिन। इंही बिरासत हमर बिकास के छत्तीसगढ़ी माडल हरय। समावेस के सरल अर्थ हरय- समाज के सब्बो वर्ग ल संग लेके चलना, सब्बो के भागीदारी, सबके बिकस के ब्यवस्था करना. भूपेश कहिन कि किसान ल जब हमन अर्थव्यवस्था के आधार मान लेबो त समावेसी बिकास तक पहुंच जाबो. छत्तीसगढ़ सरकार किसान ल अर्थव्यवस्था के केंद्र में राखिन. येकर संग ही अर्थव्यवस्था म किसान, ग्रामीन, अनुसूचित जाति-अनुसूचित जनजाति, पिछड़ा वर्ग, महिला मन के भागीदारी बढ़ाय के बड़का प्रयास करिस।   

सात करोड़ के लागत म विकसित करे जाहि ईको रिसार्ट अउ कैफेटेरिया
 

मुख्यमंतरी कहिन कि गौरेला-पेण्ड्रा-मरवाही जिला बने 6 महीन होय हे, नवा जिला म 100 करोड़ रुपया के बिकास कार्य के स्वीकृति मिलिस। मरवाही अनुभाग, मरवाही नगर पंचायत, सरकारी अंग्रेजी माध्यम स्कूल अउ महंत बिसाहूदास उद्यानिकी महाविद्यालय खोले गिस। जिला म पर्यटन बिकास के संभावना ल साकार  करे जाहि।
मुख्यमंतरी लोकवानी म घोसना करिस कि राजमेरगढ़ अउ कबीर चबूतरा म ईको रिजार्ट, कैफेटेरिया खोले जाहि। इंहा पर्यटन ल बढ़ावा देय जाहि. 7 करोड़ रुपया के बिकास कार्य जलदी सुरू होही।

67 लाख के चोरी मामला, तीन आरोपी होइस  गिरफ्तार, 20-20 लाख रुपया आपस म बांटे रहिस...

67 लाख के चोरी मामला, तीन आरोपी होइस गिरफ्तार, 20-20 लाख रुपया आपस म बांटे रहिस...

12-Sep-2020

रायपुर। रायपुर के मौदहापारा थाना पुलिस ह चोरी के तीन आरोपी ल गिरफ्तार करिस हे। चोरी 10 सितंबर के रात होय रहिस। घटना के 12 घंटा भीतर पुलिस के टीम जांच में जुटे रहिन। आरोपी मन रात के 2 बजे गुटखा एजेंसा के कार्यालय ले 67 लाख लेके फरार होगे रहिस। पुलिस जांच म आरोपी गोपाल के बारे म जानकारी मिले के बाद ओकर गिरफ्तारी करे गिस। येकर बाद पुलिस आरोपी बादल अऊ रमेश महानंद ल पकडिस। आरोपी गोपाल के खिलाफ कोतवाली थाने में पहले से ही कई अपराध दर्ज है.
चोरी के बाद बिहनिया 4 बजे बादल के चाय ठेला पहुंचिस अउ 67 लाख के बराबर-बराबर बंटवारा करिस। तीनो आरोपी 20-20 लाख रुपए आपस में बांटिस। चोरी के पइसा ल एक झन सीढ़ी के नीचे, दूसरा ह टूटे मकान म अउ तीसरा एक्टिवा की डिग्गी म लुकाय रहिस।
आरोपी मन पहिली सहीद स्मारक के आस-पास की दु दुकान के ताला तोड़िस। एक दुकान म 3 हजार अऊ कुछ इलेक्ट्रॉनिक सामान ले गिस। दूसर दुकान म 1500 रुपए चोरी करिस। आखरी म तंबाखू गुटखा डिस्ट्रीब्यूटर पुनीत काबरा के हरिओम एजेंसी के सटर के सेंट्रल लॉक ल तोड़के नगदी 67 लाख रुपए लेके फरार होइस।
10द सितंबर गुरुवार के रात तीनो आरोपी सहीद स्मारक कॉम्प्लेक्स के दुकान म चोरी होगे रहिस। पीड़ित व्यापारी पुनीत काबरा 4-5 दिन के कलेक्शन इकठ्ठा करके राखे रहिस। दूसर दिन आके देखिस त अलमारी ले पइसा गायब मिलिस। तब चोरी के जानकारी पुलिस ल मिलिस।

मधुर संगीत म

मधुर संगीत म "सुन ले रानी"

26-Aug-2020

छालीवुड म नवा तकनीक के संग , मधुर संगीत म "सुन ले रानी"  एलबम अवइया हे । गाना म जीत बघेल लिड रोल म हे। जीत बघेल गाना के बारे म बतावत कहिन की , अब तक छत्तीसगढ़ म मिल के पत्थर होही । गाना म संगीत रिझिराज अउ स्वेता दास दे हे । गाना ल अनुराज निर्मलकर डारेक्टर करे है।
                   एखर शूटिंग रायपुर,गरियाबंद, भिलाई, दुर्ग अउ नवा रायपुर म होए हे ।बतात चलन की जीत बघेल छत्तीसगढ़ मुख्यमंत्री भूपेश बघेल के भतीजे हे। आने वाला समय म "जी मीडिया छत्तीसगढ़" , गाना ल रिलीज़ करेके के उमीद हे।।

राजपाल बहन ल मुख्यमंत्री भाई के चिट्ठी; आपके संरक्षन हमर सौभाग्य

राजपाल बहन ल मुख्यमंत्री भाई के चिट्ठी; आपके संरक्षन हमर सौभाग्य

02-Aug-2020

राजपाल बहन ल मुख्यमंत्री भाई के चिट्ठी; आपके संरक्षन हमर सौभाग्य
मुख्यमंत्री श्री बघेल ह राजपाल सुश्री उइके के राखी मिले म कहिन; आप ह मोला स्नेह,आर्शीवाद अउ राखी भेज  के जेन विश्वास व्यक्त करेव ह वो मोर बर अत्यंत प्रसन्नता अउ सम्मान के विसय 
 मुख्यमंत्री ह बहन सुश्री उइके ल चिट्ठी के संग उपहार म लुगरा भेजीन
मुख्यमंत्री श्री भूपेश बघेल ह राजपाल सुश्री अनुसुईया उइके कोति ले रक्षाबंधन तिहार म भेजे गई राखी मिले म प्रसन्नता व्यक्त करत कहिन ंिक रक्षाबंधन अउ भुजलिया तिहार के अवसर म आप मन मोला स्नेह,आर्शीवाद अउ राखी भेजके जो विस्वास व्यक्त करे हो, वो मोर लिए अन्यंत प्रसन्नता अउ सम्मान के विषय है। श्री बघेल ह  बहन सुश्री उइके ल रक्षाबंधन तिहार के परंपरा ले भाई के तरफ ले सुभकामना सहित उन्हा नगद रासि अउ साड़ी उपहार म भेजे हें।
   

 

पौराणिक कथा जईसे सुंदर होही भगवान राम के ननिहाल

पौराणिक कथा जईसे सुंदर होही भगवान राम के ननिहाल

02-Aug-2020

पौराणिक कथा जईसे सुंदर होही भगवान राम के ननिहाल
भगवान राम के ननिहाल चंदखुरी के सौंदर्य अब पौराणिक कथा ले नगर जइसे ही आकर्षक होही। राजधानी रायपुर के पास गांव के प्राचीन कौषल्या मंदिर के मूल स्वरूप ल यथावत रखत हुए, पूरा परिसर के सौंदयींकरन के रूपरेखा तइयार कर ले गिस हें। मुख्यमंत्री के महत्वाकांक्षी राम वन गमन पथ विकास परियोजना म सामिल चंदखुरी म ये काम 15 करोड़ 75 लाख रूपिया के लागत ले करे जाही।
     योजना के मुताबिक चंदखुरी म मंदिर के सौंदर्यीकरन अउ परिसर विकास के काम के दू चरन म काम पूरा करे जाही। पहली चरन म 6 करोड़ 70 लाख रूपिया व्यय करे जाहीं,जबकि दूसर चरन म 9 करोड़ 8 लाख रूपिया खर्च होही। योजना के मुताबिक चंदखुरी ल  पर्यटन -तीर्थ के रूप म विससित  करे जाही, तेखर सेती उहां प्राचीन कौषल्या माता मंदिर के सौंदर्यीकरन के संग-संग नागरिक सुविधा के विकास तको करे जाही। तरिया के सौंदर्यीकरन करत हुए के बीच म स्थित-टापू ल अउ भी आकर्षक अउ सुव्यवस्थित करे जाहीं। पौराणिक कथा ले चंदखुरी के संबध के अनुरूप् पूरा परिसर के वास्तु ला डिजाइन  करे जाही।तरिया मंदिर तक पहुचन बर तरिया म नवा डिजाइन के पुल तइयार करे जाहीं। 

 

बड़का खबर- कोरोना हाटस्पाट बनिस रायपुर, फेर मिलिस 122 नवा मरीज

बड़का खबर- कोरोना हाटस्पाट बनिस रायपुर, फेर मिलिस 122 नवा मरीज

23-Jul-2020

रायपुर। रायपुर सहर कोरोना संक्रमन भारी बाढ़त हे। गुरुवार के रायपुर में 122 नवा कोरोना मरीज मिलिस। जेमा 14 मरीज शदाणी दरबार के रहइया हरय। प्रदेस म कोरोना संक्रमन नई रुकत हे। ये अब्बड़ बाढ़त हवय. गुरुवार के 122 मरीज ल मिलाके अब रायपुर म 1511 झन संक्रमित हो गेय। येमा एक्टि मरीज से संख्या 864 हवय, जेकर इलाज करे जात हे। अऊ अब तक 653 लोगन ठीक हो गेय हे।

स्वास्थ्य बिभाग बताइस कि नवा मरीज शदाणी दरबार, भाठागांव, पंडरी, राजीव नगर, चौबे कालोनी, सरस्वती नगर, देवेंद्र नगर, संजय नगर, संतोषी नगर, बैरन बाजार, सिद्धार्थ चौक, टिकरापारा, गुढ़ियारी, बिरगांव, प्रोफेसर कालोनी, शांति नगर, टाटीबंध अऊ कुशालपुर म मिलस हे।

संक्रमित नाउ के संपर्क म आय ले 32 लोगन कोरोना पॉजिटिव, 120 लोगन ल करे गिस होम क्वारंटाइन

संक्रमित नाउ के संपर्क म आय ले 32 लोगन कोरोना पॉजिटिव, 120 लोगन ल करे गिस होम क्वारंटाइन

23-Jul-2020

कवर्धा। कबीरधाम जिला म गुरूवार के 33 कोरोना पॉजिटिव मरीज मिलिस। येमा नगर पंचायत पंडरिया के 32 लोगन संक्रमित होइस। सब्बो झन एक नाउ के संपर्क म आय ले संक्रमित होइस। नाउ के संक्रमित मिले के बाद ओकर संपर्क म अवइया 120 लोगन ल होम क्वारंटाइन करे गिस। अऊ सब्बो झन के कोरोना नमूना लेय गिस। जेमा 32 झन के रिपोर्ट पाजिटिव आइस।

जिला सर्विलेंस अधिकारी डॉ केशव ध्रुव बताइस कि नगर पंचायत पंडरिया म 32 लोगन संक्रमित मिले हे। येमा एक विद्युत बिभाग के कर्मचारी घलो सामिल हे। अऊ कवर्धा बिकासखंड के खड़ौदा खुर्द म 10 बछर लड़की के रिपोर्ट पाजिटिव मिले हे। संक्रमित 33 लोगन म 29 पुरुष, 2 महिला अऊ 2 लड़की सामिल हे। अभी सब्बो कोरोना मरीज के बेहतर इलाज के तैयारी करे जात हवय।    

नवा रायपुर म बनही छत्तीसगढ़ पर्यावरन मंडल के अत्याधुनिक केन्द्रीय प्रयोगसाला

नवा रायपुर म बनही छत्तीसगढ़ पर्यावरन मंडल के अत्याधुनिक केन्द्रीय प्रयोगसाला

03-Jul-2020

 नवा रायपुर म बनही छत्तीसगढ़ पर्यावरन मंडल के अत्याधुनिक केन्द्रीय प्रयोगसाला
  मुख्य सचिव के अध्यक्षता म होईस पर्यावरन मंडल के बैठक
               मुख्य सचिव श्री आर.पी.मंडल के अध्यक्षता म मंत्रालय महानदी भवन नवा रायपुर म छत्तीसगढ़ पर्यावरन संरक्षन मंडल के 47 वा बैठक सम्पन्न होईस। प्रदुसन नियंत्रन अउ पर्यावरन संरक्षन बर अनेक महन्वपूर्न निर्णय लिए गिस। सेक्टर -13  नवा रायपुर अटल नगर म मंडल कोति ले अत्याधुनिक केन्द्रीय पर्यावरनीय पयोगसाला लोक निर्मान विभाग के माध्यम ले तइयार करे जाही। आने पर्यावरणीय पैरामीटर्स के मापे बर छत्तीसगढ़ राज के ये अत्याधुनिक प्रयोगसाला होही, जेमा जन -जागरूकता बर आने पर्यावरनीय विसय म माॅडल के प्रदर्सनी भी रही।
                बैठक म छत्तीसगढ़ राज के उदयोग जइसे स्पज आयरन संयंत्र प्लांट,सींमेंट प्लांट आदि म बड मात्रा म लगन अउ जिप्सम,कोयला,स्पंज आयरन,सीमेंट आदि क परिवहन सड़क मार्ग ले मेकेनिकल कव्हर्ड वाहन ले ही करे जाए के निर्णय ले गे हे। आदि अउ वाहन मेकेनिकली कव्हर्ड वाहन के अनुपलब्धता के स्थिति म उदयोग ल एक बछर के समय ऐ सर्त के साथ प्रदान करे गे हे कि उदयोग ले कच्चा माल अउ उत्पाद के परिवहन तारपोलिन अउ उपयुक्त मटेरियल ले अचित अउ पर्याप्त रूप् ले ढंक के करे जाए। बैठक म गंभीर प्रदूसित औद्योगिक क्षेत्र रायपुर के सिलतरा अउ उरला के संग आने प्रदूसित क्षेत्र कोरबा अउ भिलाई म प्रदुसन के मुख्य स्त्रोत के अनुपात अउ वहन करे के क्षमता के अध्ययन  ख्यातिलब्ध संस्थान जईसे आई.आई.टी. ,एन.आई.टी.माॅनिटरिंग सिस्टम के प्रस्ताव  ल मंजूरी दे दे गिस। बैठक म नेसलन क्लीन एयर क्वालिटी माॅनिअरिंग सिस्टम के प्रस्ताव ला मंजूरी दे दे गिस। प्रदेस के 5 प्रदूसित नंदिया म अपस्ट्रीम म 10 कंटीन्यूअस वाटर क्वालिटी माॅनिटरिंग सिस्टम के प्रस्तावा ल मंजूरी दे गिस।
                बैठक म निर्नय ले गिस कि पर्यावरन संरक्षन बर मंडल रायपुर, भिलाई -दुर्ग अउ बिलासपुर के ऐतिहासिक महत्व के कुछ तरिया म पर्यावरनीय सुधार अउ उंखर जीर्णोद्धार का काम करेगा। एखर बर काम प्रस्ताव तइयार करे के निर्णय लि गिस। बैठक  म प्रबंध संचालक वन विकास निगम श्री राजेस गोवर्धन,प्रबंध संचालक छत्तीसगढ़ अधोसरचना विकास निगम  श्री अनिल राय, आयुक्त नगर पालिका निगम बिलासपुर श्री प्रभाकर पानडेय अउ सदस्य सचिव छत्तीसगढ़ पर्यावरन संरक्षन मंडल श्री आर.पी.तिवारी उपस्थित रहिन।