सोर संदेश

केंद्रीय कानून मंत्री रविसंकर प्रसाद ले छत्तीसगढ़ के भाजपा सांसद मन भेंट करिन । ये मौका म केन्द्रीय मंत्री किरण जीजू, मंत्री रेणुका सिंह , सांसद सांतोस पाड़े ,सुनील सोनी ,अरूण राव, विजय बघेल,चुन्नी साहू ,श्रीमती गोमती साय, गुहराम अजगले मौजूद रहिन ।

पैनी पसारी योजना मुख्यमंत्री भुपेस बघेल ह नगरीय निकाय के बेरोजगार जवान मन बर पौनी पसारी योजना चालू करें हे । निकाय के जनसामान्य अउ बेरोजगार लईका मन बर ये योजन बहुत कारगर सिद्ध होही। ये योजना म सबो निकाय म परम्परा धंधा जईसे लोहार, कमहारी,कोस्टा,बंसोड़ अउ अन्य बर चबूतरा ,बईठे बर चौरा के निर्माण कराये , अउ धोड़ दिन बर किराया दे के धंधा करें के सुविधा दे सकत हे । येकर से स्थानिय बेरोजगारी ला कम करें जा सकत हे, आदमी अपन घर दरवाजा म रोजगार कर सकत हे। उहू भी कम लागत म। धंधा म सबले ज्यादा दुकान के किराया भारी पड़थे । उही बड़े समस्या ला पौनी पसारी योजना से खत्म करें गिस ।।।

छत्तीसगढ़ के अगुवा तिहार हरेली हे ,हरेली ले सबो तिहार बार सुरु होथे । मुख्यमंत्री भूपेश बघेल हरेली तिहार म सरकारी छुट्टी घोसित करे रीहिस हे,छत्तीसगढ़ राज के इतिहास म पहला मौका है जेमा हरेली ला सरकार धूम धाम से मानये हे,। ये मौका म मुख्यमंत्री भुपेस बघेल गेड़ी चडीस अउ बइलागाड़ी के सवारी तको करिस । मुख्यमंत्री निवास म ये मौका म हरेली धूम रहिस , किसानी औजार नागर, कुदाली, रापा , गैती बाकी समान के विधी विधान ले पुजा पाट करके सावन के छुला झुलिस अउ हरेली तिहार के सबो क्षन ला बधाई तको दिन। मुख्यमंत्री कहींन कि सरकार सामाजिक, आर्थिक, अउ सांस्कृतिक बढ़ावा दे बर हरेली के छुटटी घोसित करें गिस ।खेती किसानी ले जुड़े ये तिहार ह छत्तीसगढ़ बर बहुत महत्व रख थे । गाय गरुवा के पूजा करें के बाद, किसानी के सबो औजार ला धो माँज के पूजा पाठ करके लाली गुलाल लगा के ,खिचरी गाय मन ला ख वाथे । पौध रोपण के बाद बघेल ह छत्तीसगढ़ी खाय खाजेन ला बढ़ावा दे के बात कहिन।

केबिनेट मंत्री ताम्रध्वज साहू नवापारा के कार्यकम ला सबोधित करत कहिन की छत्तीसगढ़ म पहली बार छत्तीसगढिया मुख्यमंत्री बनिस हे , छत्तीसगढ़िया किसान के बेटा हरेली के तिहार म गेड़ी चढ़त हे, जेन छत्तीसगढ़ म देखे ले नई मिलत रीहिस हे, छत्तीसगढ़ म स्थानिय लोगन मन के भारी लूट होय हे, उन मन ला न कभू फैक्टी के मालिक बनब म सरकार सहयोग दिन ,न फैक्टरी म नउकरी दिन, इहा के नउकरी चाकरी सबो बाहरी मन ला दिन ।।

भाजपा प्रदेशाध्यक्ष विक्रम उसेण्डी ह तीन तलाक बिल राज सभा म पास होय से खुसी जाहिर करिस हे । अउ कहीं की कांगेश के तुस्टीकरण के नीति ले मुस्लिम महिला मन बहुत शिकार होयव। मुस्लिम महिला मन ला न्याय नई मिल पात रहिस । अब मुस्लिम महिला मन तको मजबूत अउ साहसी होही। अउ पहिली ले ज्यादा सुरक्षित होही । उसेंडी आगे कहींन कि करोड़ो मुस्लिम महिला मन के जीवन म उज्ययारी लाय बार प्रधानमंत्री नरेन्द्र मोदी ला बहोत बहोत धन्याद दिन, अउ बिल के पास करे बार सबो सांसद ला धन्यवाद दिन ।

मुख्यमंत्री भूपेश बधेल ल मध्य क्षेत्रीय परिसद के उपाध्यक्ष बनाये गिस । उपाध्यक्ष के कार्यकाल एक साल के रही । केंद्रीय गृह मंत्रालय ह अंतर्राष्ट्रीय परिसद सचिवालय ह ये जानकारी दिन। क्षेत्रीय परिसद के अंदर म छत्तीसगढ़ ,उत्तरप्रदेश, उत्तराखंड, अउ मध्यप्रदेश राज सामिल हे।

बरसत पानी म जांच म पहुचीन लखमा गांव वाला मन के सिकायत के बाद उद्योग मंत्री कवासी लखमा ह बरसात पानी म खुद जांच करे बार निकल गे । ग्राम पंचायत कुरूद म अवैध मुरुम खदान में कई साल ले अवैध खुदाई हो वत हे, जेकर से पूरा गांव वाला मन परेसान हे, खुदाई के बाद गड्डा म ला प्लांट के वेस्ट मटेरियल से भरे जात हे जेकर से वाटर लेवल कम हो जाट हे ,अउ प्रदूषण भी फैलत हे। ये सब सिकायत मीले के बाद मंत्री लखमा खुद जांच म निकल गे न।अउ पाइन की सब फर्जी काम होवत हे। खोदाई बर न ग्राम पंचायत ले एनओसी ले हे न तो माइनिंग न पर्यवरण विभाग ले ,अउ तो फैक्टरी के कचरा ला के पट्टत हे। ये सब सुन अउ जान के मंत्री विभागीय जांच के आदेस दिन अउ फैक्ट्री प्रबंधन ला फटकारत अनोसिन के कापी तको मँगाईन , मंत्री गांव वाला मन ला विस्वास दिलाईंन की अपराधी मन ऊपर कड़ी कार्यवाही होही ।।।

केंद्रीय सड़क परिवहन मंत्री नितिन गड़करी ल छत्तीसगढ़ के आठ भाजपा सांसद मन मुलाकात करके नवा राष्ट्रीय राजमार्ग के मांग करिन । केंद्रीय राज्यमंत्री रेणुका सिंह जे अगुवाई म छत्तीसगढ़ सांसद मन श्री गडकरी ले मिलिन ।राजसभा सांसद, गुहराम अजगले,मोहन मंडावी ,गोमती साय,चुन्नी लाल साहू , संग सुनील सोनी मौजूद रहीन ।सांसद मन केंद्रीय मंत्री गड़करी ले सीआरफ के 5 सड़क के मांग रखिन ।येमा रइपुर सहर ले माना जंक्सन तक प्लाइओवर, शदरण दरबार ले तेलीबांधा तक 4 लेन रोड, दुर्ग ले गुंडरदेही बालोद मार्ग ,बहनी डीह ले दहिया पुल अउ गादीरास मलकरे नदी म पुल सामिल हे । केंद्रीय मंत्री गडकरी ह सबो सांसद मन के मांग म विचार करके जल्दी से जल्दी कार्यवाही के भरोसा दिलाय हे ।।

मुख्यमंत्री भुपेस बधेल समाज के सबो वर्ग ले जुड़े बर गोट बात करें बर लोकवाणी कार्यक्रम चालू करत हे। जेमा लोगन समस्या अउ विचार मुख्यमंत्री करा गोटिया सके ,अउ मुख्यमंत्री भुपेस बघेल ओकर समाधान संग अपन विचार तको रखही । ये पहली कड़ी म खेती किसानी संग गांव विकास के गोठ बात होही ।ये कर प्रसारण प्रदेस के आकासवाणी के सबो जगह ले 11 अगस्त के 10:30 बजे ले 10:50 बजे तक प्रसारण होही । लोगन अपन विचार संग समस्या मुख्यमंत्री करा रखें बर 0771-2430501 फ़ोन न. 31 जुलाई तक 1अउ 2 अगस्त के 3 बजे ले 4 बजे के बीच रिकार्ड करा सकथे । लोकवाणी हर महीना के दूसर इतवार के बिहनिया 10:30 बजे होही ।

छत्तीसगढ़ के नवा राजपाल सुश्री अनुसुईया उइके राजभवन म छत्तीसगढ़ के राजपाल पद के सपथ लीन ।उच्च न्यायालय बिलासपुर के मुख्य न्यायाधीस न्यायमूर्ति श्री पी.आर.रामचंद्र मेनन ह हिंदी म ईस्वर के नाम ले सपथ लीन । प्रदेस के मुख्यमंत्री भुपेस बघेल सुश्री उइके ला गुलदस्ता भेंट करिन अउ बधाई दिन ।ये मौका म विधानसभा अध्यक्ष डॉ चरणदास महंत ,गृहमंत्री ताम्रध्वज साहू संग पूरा मंत्री मंडल , विधायक ,सांसद ,अधिकारी ,गड़मान्य आदमी मन उपस्थित रहीन ।