सोर संदेश

कांग्रेस सरकार आदिवासी मन के करत हे अपमान : कौसिक नेता प्रतिपक्ष धरमलाल कौसिक के कहना है कि कांग्रेस सरकार आदिवासी मन के अपमान करात हे, सरकार के मंत्री सिव डहरिया के कहना है कि आदिवासी अपना जीवन चलाय बार पंचर घिसे के काम करवा, येकर से सरकार के मनसा समझ म थे कि सरकार के आदिवासी मन के विकास अउ सम्मान के कोनों फिकर नये। भाजपा के सासन काल म आदिवासी मन के पूरा पूरा ध्यान रखेंगे रिहिस । शिक्षा, रोजगार, जीवन यापन के जरूरी सामान अउ पाव बर पनही केभी व्यवस्था करे गे रीहिस हे । सरकारी योजना म उंकर भागी- दारी ज्यादा ले ज्यादा रहाय , ये पुरा के पूरा प्रबध काटेंगे रीहिस हे। अभी के कांग्रेस सरकार आदिवासी विकास बर नही अपमान बर बात करत हे ।।।

अनुच्छेद -370 बेअसर बर कोर्ट म चुनौतीँ
अनुच्छेद-370 बेअसर कर जम्मू-कस्मीर ला दू केंद्र सासित प्रदेस म बांटे के कारण नेसनल काँफेस ह सुप्रीम कोर्ट  म चुनौती दे हे। पार्टी के कहना हे कि राज के लोगन से पूछे बीना उनकर अधिकार छीन ले गे। ये याचिका लोकसभा संासद जस्टिस हसनैन मसूदी अउ मोहम्मद अकबर लो ह दायर करें हें। हसनैन मसूदी जम्मू एंड कष्मीर हाईकोर्ट के जज रहिस । 2015 म फैसला दे रहिस कि अनुच्छेद-370सविंधान के स्थायी हिस्सा हे। हसनैन के संग याचिका दायर करईया दुसर नेता मोहम्मद अकबर लोन अलगाववादी नेता अब्दुल गनी लोन के बेटा हें । राज ला दू राज कंेद्र सासित बनाए के अउ जम्मू-कष्मीर पुनर्गठन कानून 2019 अउ अनुच्छेद -370 म बदलाव ले जुडे़ रास्ट पति के आदेस ल  चुनौती दे हे ।

 

बस्तर म बाड़ के कहर
बस्तर म बाड़ आय से ऊंहा सबो जिला  के निवासी मन के जनजीवन म बहुत प्रभाव पडे़ हे। बाड़ के जयादा प्रभावित सुकमा ,दंतेवाडा,बीजापुर जिला म खासा प्रभाव हे। बाड़ से बस्तर में भारी तबाही हो गे।  बाड़ के पानी ह लोगन के घर ,बाड़ी म घुसगे । खेत म पानी से फसल पुरा पुर बरबाद हो गे।
               पाछु चार दिन के पानी ले बस्तर म बाड आगे, अउ ये बाड़ से पुरा बस्तर म तबाहि मच गे ।1400 लोगन मन राहत सिविर म हे। खास कर बीजापुर ,भैरमगढ़ के सैकड़ो लोगन मन राहत सिविर म हें । 
              सीएम बघेल खुद बस्तर म बाड़ के जाएजा ले जवईया रिहिन , आचनाक का्रर्यक्रम निरस्त होए के कारण , मंत्री कवासी लखमा ,बस्तर विकास अधिकरण के अध्यक्ष लखेष्वर बघेल,सांसद दीपक बैज अउ विधायक चंदन कष्यप ल बाड़ के जाएजा ले कहिन अउ हेलिकाप्टर तको दिन। जनप्रतिनिधि मन बड़ा प्रभावित लोगन मन से मिलीन अउ अपन हाथ ले मुआवजा दिन , बाड़ के समस्या ले उबरे बर तत्काल राहत दे के आस्वासन दिन।

 

नंदिया बईला अउ करू भात दिही छत्तीसगढ़ सरकार
हरेली तिहार ,आदिवासी दिवस के बाद अब तीजा के भी छुट्टी रहीं। अउ अवईया बेरा म पोला बर लईका नंदिया बईला संग तिजहारिन बहनी मन बर करू भात के व्यवस्था करंे जाहीे। 
              भूपेस सरकर ह स्थिानिय तिज तिहार ला बहुत महत्तव देवत हे, छत्तीसगढ़ राज बने के बाद ये पहली मऊका हे जब छत्तीयगड़िया मन के तिज तिहार के बड़ पुछ परख होवत हें । अब हरेली,अदिवासी दिवस के बाद दाई बहनी के तिजा पोरा अउ करू भात के व्सवस्था करहीं।

 

कुपोसण अउ एनीमिया मुक्त छत्तीसगढ़ः सीएम बघेल
   भूपेस सरकार तीन साल के अंदर कुपेासण अउ अनीमिया ले मुक्ति दिलाए बर नवा योजना चालु करत हे। सरकार के कहना हे कि दु अक्टूबर ले कुपासण अभियान के सुरूआत करें जाही। राज के कुपोसित लईका अउ अनीमिया ले पीड़ित माईलोगन मन ला गरम भोजन दे जाहि।
  सीएम भपेूस बघेल  कहिन की पायलट के रूप म कुपोसण मुक्ति के का्रर्यक्रम जुलाई ले बस्तर अउ दंतेवाड़ा जिला म  पंचायत ले संचालित होही। कुपोसण अउ एनिमीया मुक्ति के अभियान ल जिला के चेरिटेबल सस्ंथा अन जनप्रतिनिधि,एनजीओ,मीडिया समुह सब्बो ला मिला के काम करें जाही । निती आयोग के अनूसार राज म 37.60 प्रतिसत लईका मन कुपोसण ले 15 ले 49साल के 41.50प्रतिसत बहनी अउ माता एनिमीया  ले पीड़ीत हे।        
               कुपोसण अउ एनिमीया के कारण पुरा देस म हर साल लाखों लईका मन मर जथें। लोखों लईका जन्म के समय बहुत कम वजन रहिथें। कुपोसण के कारण लईका मन ऊचाई अउ सरिर संग दिमाक के विकास तको नई होवए ।ये अभियान ला गंाधी जयतीं के दिन सरू करें जाही ।
          

 

अगस्त  क्रांति दिवस म क्रांगेस सेवादल के तिंरगा मार्च

छत्तीसगढ प्रेदस  क्रागेस सेवादल 9 अगस्त के अगस्त क्रांति दिवस के अवसर म  तिरंगा यात्रा के आयोजन करहि  बिहनीया 11 बजे ले गांधी मैदान म स्थित क्रागेस भवन म ध्वजवदंन किये जाही 

 मुख्यमंत्री  ह विश्व आदिवासी दिवस के सुभकामना दिन
          आदिवासी समाज ल बधाई अउ सुभकामना दिन । मुख्यंमत्री अपन संदेस मं कहिन कि,हमन बर ये बहुत खुसी के बाद ह,े कि आदिवासी समाज क विस्वास जिते अउ उनकर सपना पुरा करें म सरकार  कोनो कमी नही छोंडे हे । सरकार ह आदिवासी हित म बहुत बडे - बडे़ फैसला ले हे, पाछे 6 महिना म पोठ काम करें हे। आदिवासी अंचल म बहुत तेज गती ले विकास के काम होवत हे । 
             मुख्यमंत्री भुपेस बघेल कहिन कि छत्तीसगढ़ म कुल आबादी के 32 प्रतिसत हिस्सा आदिवासी समाज के हे। जल ,जंगल, अउ जमीन से जुडे आदिवासी समाज प्रकृति के संग संग अपन जीवन यापन करथें। सरकार आदिवासी समाज के विकास अउ जीवन सरल बनाए बर बहुत जनकल्याणकारी योजना चालावत हे। ये योजना से आदिवासी समाज के जीवन मे बहुत बदलाव आही, आदिवासी सिक्षा ,पेासण,सुरक्षा अउ सम्मान बर भरकस प्रयास करें जात है, ये विकास के अभियान म आदिवासी समाज भी बड़ चड़ के भाग लेवत थे। आज के आदिवासी सिक्षीत ,जागरूक ,संचारकांती  के संग आगु बड़त हें,देस अउ प्रदेस के विकास म आदिवासी समाज के महत्तपुर्ण योगदान हे।

 

त्रिपुरा के राजपाल रमेस बैस ह प्रधानमंत्री नरेन्द्र मोदी से भेट करिन । राजपाल बने के बाद प्रधानमंत्री के संग पहली मुलाकात हेें। मुलाकात म त्रिपुरा के विकास अउ वर्तमान स्थ्तिी ले अवगत कराईन ।

 

जनसम्पर्क म विज्ञापन नियमावली 2019 लागू
राज सरकार के जनसम्पर्क विभाग ह नवा विज्ञापन नियम लागू कर हें। छत्तीसगढ़ राजपत्र म विज्ञापन ले सम्बधित नियम 2019 के अधिसुचना के प्रकाशन करें हे जेन अब प्रभावशाली हो गे।    
               मुख्यमंत्री श्री भुपेस बघेल के ईक्छा के अनुसार प्रिंट मीडिया म राज दर ला पहली ले दुगुना कर दे हे। अउ डिजीटल माध्यम के अपयोगिता  देखत हुए न्यूज वेबसाईट मन बर नियम बन गे हें। नियम के अनुसार न्यूज वेबसाईट ला एक साल पुरा होना चाहि ।जेन वेबसाईट एक साल पुरा कर डरें हे  वोला कम से कम हर महिना दस हजार के यूनिक यूजर संख्या होही तभें विज्ञापन दिये जाही । एकर बर आंनलाईन आदेवन दे ले परही । सोसल मीडिया म तको जरूरत ला देख के विज्ञापन दिये जाही।  विज्ञापन के नियम कानुन जनसम्पर्क के साईट म देखे जा सकथें । 

 

भारत के कश्मीर मोदी सरकार के ऐतिहासिक फैसला , कश्मीर ले धारा 370 बदलगे ,35 ए खत्म अउ कश्मीर के नकशा तको बदलगे । जम्मू काश्मीर पुनर्गठन बिल ला राज्य सभा म पास करवा के , मोदी सरकार इतिहास रच दिस। पुनर्गठन बिल पास होयके बाद चार बड़का फैसला करे हे पहली 1. जम्मू-काश्मीर राज ह संविधान के अनुचछेद 370(1) ला छोड़ , राज के विभाजन करे के प्रस्ताव , 2 .जम्मू- काश्मीर अउ लद्दाख ल केंद्र शासित क्षेत्र के रूप म करें के प्रस्ताव । 3.जम्मू-काश्मीर केंद्र सासित क्षेत्र के अपन विधायिका बार प्रस्ताव । 4. लद्धाख ल बिना विधायक वाला केंद्र सासित क्षेत्र होय के बारे मे प्रस्ताव रखिन । राज सभा म केंद्रीय गृह मंत्री अमित साह ह जम्मू - कसमीर ले अनुच्छेद 370 हटाय बार अएलाह करिन । ये बिल से सब्बो सांसद के संगे संग पूरा देस है हैरान रहिगे । खास कर विपक्ष के मन कभू अंदाजा नई लगाय रिहिन के सरकार अतका जल्दी म 370 ला खात्म कर दिही ।