छत्तिसगढ़ सरकार सब्बो बर स्वास्थ्य सेवा उपलब्ध करात हे- टीएस सिंहदेव

छत्तिसगढ़ सरकार सब्बो बर स्वास्थ्य सेवा उपलब्ध करात हे- टीएस सिंहदेव

26-May-2021

छत्तिसगढ़ सरकार सब्बो बर स्वास्थ्य सेवा उपलब्ध करात हे- टीएस सिंहदेव
छत्तिसगढ़ सासन के स्वास्थ्य मंतरी टीएस सिंहदेव ह इंदिरा गांधी जिला चिकित्सालय कोरबा म निःशुल्क डायलिसिस सेन्टर के वर्चुअल लोकार्पन करिस। ये अवसर म स्वास्थ्य मंतरी ह कहिन कि छत्तिसगढ़ सरकार प्रदेस म सब बर स्वास्थ्य सेवा के उपलब्धता करात हे। इंही मउका म जिला वासी मन ल निसुल्क डायलिसिस सेंटर के सौगात दिस। कहिन कि ये बहुत ही खुसी के बिसय हे कि हम जनता बर स्वास्थ्य सेवा ल बेहतर बनाय के दिसा म कोसिस करत हे। डायलिसिस सेवा सुरू होय ले कोरबा के जनता ल अब परेसान नई होय पड़य। हमन लगातार ये दिसा म काम करत हन अऊ आगु घलो करबो ताकि स्वास्थ्य सुविधा ल अऊ मजबूत बना सकन। जिला अस्पताल म डायलिसिस सेंटर सुरू होय ले डायलिसिस के आवश्यकता वाला बीमार मरीज ल मुफ्त म डायलिसिस के सुविधा मिलहि। जिला के बीमार मरीज ल डायलिसिस कराय बर दूर सहर जाय के जरूरत नई हे अऊ ईलाज के महंगा खर्चों ले घलो राहत मिलहि। वीडियो कांफ्रेंसिंग के माध्यम ले ये वर्चुअल लोकार्पन के अवसर म राजस्व अऊ आपदा प्रबंधन मंतरी जय सिंह अग्रवाल, महापौर नगर पालिक निगम कोरबा राज किशोर प्रसाद, सभापति नगर पालिक निगम श्याम सुंदर सोनी, डिप्टी कलेक्टर कोरबा आशीष देंवागन, सीएमएचओ डॉ बी.बी.बोडे, सिविल सर्जन डॉ अरुण तिवारी, डीपीएम  पदमाकर शिंदे, एडमिनिस्ट्रेटर डायलिसिस सेंटर जुयेल साहा समेत जिला चिकित्सालय के अन्य अधिकारी-कर्मचारी मउजूद रहिस।
इस मउका म राजस्व मंतरी जय सिंह अग्रवाल कहिन कि ये डायलिसिस सेंटर ले जिलावासी ल निःशुल्क डायलिसिस के सुविधा मिलहि। पहिली ये सेवा नई होय ले मरीज मन ल बाहर जाय ले पडत रहिस अऊ आर्थिक परेसानी के सामना घलो करे पडत रहिस। जिला म डायलिसिस सेंटर होय ले समय म इलाज जथे अऊ मरीज के जान बच जाथे। संग ही ईलाज म अवइया खर्च लोगन नई करे ल पड़य। राजस्व मंतरी ह डायलिसिस सेवा लेवत मरीज कना मिले ओकर हाल-चाल पुछिस। येकर बाद अस्पताल के व्यवस्था के अवलोकन करिस, मरीज मन ल प्रदान करे जात सेवा के संबंध म संतुस्टि जताइस।
जिला चिकित्सालय म डायलिसिस बर पांच मसीन लगाय गेय हे अऊ पांचो मसीन के सेवा मरीज ल मिलहि। चार मसीन सामान्य मरीज बर हरय अऊ एक मसीन हेपेटाइटिस -सी के मरीज बर हरय। एक डायलिसिस प्रकिया म चार घंटा के समय लगथे अऊ येकर बर 130 ले 140 लीटर आर.ओ. पानी के आवस्यकता पडथे। येकर बर जिला अस्पताल म 750 लीटर क्षमता वाला आर.ओ.प्लाट घलो स्थापित करे गेय हे, जेकर ले डायलिसिस प्रकिया म पानी के आवश्यकता ल पुरा करे जा सकत हे। ये अवसर म राज किशोर प्रसाद ह कहिन कि डायलिसिस सेवा के कोरबा जिला म सुरु होना बडका उपलब्धि हरय। येकर ले कोरबा के जनता ल अब ये सेवा बर भटके ले नई पड़य। 
डा बी .बी. बोडे मुख्य चिकित्सा अऊ स्वास्थ्य अधिकारी जिला कोरबा कहिन कि जिला म स्वास्थ्य सुविधा ल अच्छा बनाय के दिसा म सदा कोसिस करत हंव। येकर परिनाम स्वरुप लोगन ल सासन के माध्यम ले डायलिसिस सेंटर के सुविधा मिलिस।

रास्टीय सेवा योजना के काम ग्रामीन बर महत्वपूरन: मंतरी उमेश पटेल

रास्टीय सेवा योजना के काम ग्रामीन बर महत्वपूरन: मंतरी उमेश पटेल

06-Jun-2021

रास्टीय सेवा योजना के काम ग्रामीन बर महत्वपूरन: मंतरी उमेश पटेल
                                           प्रदेस के उच्च सिक्छा, खेल अऊ युवा कल्यान बिभाग के मंतरी उमेश पटेल कहिन कि रास्टीय सेवा योजना के काम बहुत महत्वपूरन हे। रास्टीय सेवा योजना सिविर लगाके गांव म सामाजिक अऊ मानव कल्यान के काम करत हे। एन.एस.एस के स्वयं सेवक मन के सेवा सराहनीय हे। स्वास्थ्य सिविर अऊ आपदा प्रबंधन म सहयोग के संग एन.एस.एस गांव म जन जागरूकता अऊ सासकीय योजना ल जन-जन तक पहुंचाय म घलो महत्वपूरन योगदान देवत हे। उमेश पटेल रायपुर के सासकीय नागार्जुन विज्ञान महाविद्यालय के सभागार म रास्टीय युवा दिवस के अवसर म रास्टीय सेवा योजना के राज्य स्तरीय सम्मान समारोह ल संबोधित करत हुए ये बात ल कहिन। पटेल ह रास्टीय युवा दिवस के अवसर म स्वामी विवेकानंद के जन्मदिन म स्वामी जी ल नमन करते हुए ओकर मानवता बर करे गेय काम ऊपक विस्तार ले बटाइस अऊ युवा मन स्वामी विवेकानंद के बताए मार्ग पर चले बर प्रेरित करिन।
                                            उच्च सिक्छा मंतरी पटेल ह कहिन कि छत्तिसगढ़ म रास्टीय सेवा योजना के काम आने राजय बर अनुकरनीय हे। मुख्यमंतरी भूपेश बघेल ह रास्टीय सेवा योजना के पुरस्कार विस्तारित करे के घोषना करिन। बताइस कि पहिली सिरफ रास्टीय सेवा योजना के तहत सिरफ चार पुरस्कार देय जाते रहिस, फेर अब छत्तिसगढ़ म रास्टीय सेवा योजना के तहत उत्कृस्ट काम करइया स्वंय सेवक मन,कारयकरम अधिकारी अऊ संस्था ल बीस पुरस्कार प्रदान करे जात हे।
उच्च सिक्षा मंतरी ह राजय स्तरीय रास्टीय सेवा योजना म चयनित 20 पुरस्कार क्रियान्वयन बछर 2019-20 बर दिस। ये संस्था म महाविद्यालय स्तर म अध्ययन साला ईकाई पंडित रविशंकर शुक्ल विश्वविद्यालय रायपुर ल अऊ विद्यालय स्तर म सासकीय आदर्स  उच्चतर माध्यमिक विद्यालय बसना जिला महासमुन्द ल पुरस्कृत करे गिस। अऊ कारयकरम अधिकारी म महाविद्यालय स्तर पर श्री शंकराचार्य ग्रुप ऑफ इंस्टीट्यूट भिलाई के डॉ. डी. एस. रघुवंशी ल और डॉ. खूबचंद बघेल सासकीय स्नातकोत्तर महाविद्यालय भिलाई के डॉ. अल्पना देशपाण्डेय ल पुरस्कृत करे गिस। विद्यालय स्तर म सासकीय उच्चतर माध्यमिक विद्यालय तारापुर के भोजराम पटेल अऊ सासकीय उच्चतर माध्यमिक विद्यालय सिंधाभेंडी के  सोमदत्त साहू ल पुरस्कृत करे गिस।
 महाविद्यालय स्तर म स्वयं सेवक म श्री शंकराचार्य कॉलेज जुनवानी, भिलाई के कुमार तनुजा वर्मा, सासकीय रानी सूर्यमुखी देवी महाविद्यालय छुरिया के नरेश कुमार साहू, सासकीय दानवीर तुलाराम महाविद्यालय उतई के परमेश्वर कुमार ठाकुर, शासकीय महाविद्यालय कांकेर के कुमारी शिल्पा साहू, सासकीय विज्ञान महाविद्यालय बिलासपुर के अक्षत तिवारी अऊ कमला नेहरू महाविद्यालय कोरबा के अटल श्रीवास्तव ल पुरस्कृत करे गिस। इंही प्रकार ले सासकीय जे.यो.छत्तीसगढ़ महाविद्यालय रायपुर के निखिल कुमार यादव, समाजशास्त्र अध्ययन साला कला भवन पंडित रविशंकर शुक्ल विश्वविद्यालय रायपुर के टकेश्वर साहू, शासकीय बाबू छोटे लाल श्रीवास्तव स्नातकोत्तर महाविद्यालय धमतरी के तुषार पाण्डेय, श्री सांई बाबा आदर्श महाविद्यालय डिगमा अम्बिकापुर के कुमारी राधिका, सासकीय रामनुज सिंह देव स्नातकोत्तर महाविद्यालय बैकुन्ठपुर के कुमारी शालिनी सिंह श्याम, कृषि महाविद्यालय रायपुर के गागेन्द्र सिंह राजपुत, श्री शंकराचार्य ग्रुप आफ इन्टीट्यूशन भिलाई एस-1 के स्वाति घोटे अऊ शंकराचार्य इंजीनियरिंग कॉलेज भिलाई एस-2 के राकेश कुमार ल पुरस्कृत करे गिस। इंही प्रकार ले विद्यालय स्तर म स्वयं सेवक म सासकीय उच्च्तर माध्यमिक विद्यालय छछानपाहरी के कुमारी छवि साहू, सासकीय उच्च्तर माध्यमिक विद्यालय घुघवा के निखिल, सासकीय उच्च्तर माध्यमिक विद्यालय सिसेदर के जय कुमार चक्रवर्ती, शासकीय उच्च्तर माध्यमिक विद्यालय अकलतरा के आशीष खण्डेल, सासकीय उच्च्तर माध्यमिक विद्यालय बारनवापारा के रोहित कुमार धु्रव और सासकीय उच्च्तर माध्यमिक विद्यालय कुनकुरी के कुमारी रिमा सिंह ल पुरस्कृत करिस।

जरुरतमंद के मदद बर कोरोना काल म सुरक्क्षा के संग तेजी ले होइस काम: भेंड़िया

जरुरतमंद के मदद बर कोरोना काल म सुरक्क्षा के संग तेजी ले होइस काम: भेंड़िया

26-May-2021

जरुरतमंद के मदद बर कोरोना काल म सुरक्क्षा के संग तेजी ले होइस काम: भेंड़िया
समाज कल्याण मंत्री अनिला भेंड़िया ह माना कैम्प रायपुर के राज्य संसाधन अऊ पुनरवास केंद्र म सम्मार के विभागीय त्रैमासिक प्रशिक्छन सतरा के सुरुआत करिन। अधिकारी मन के प्रसिक्षन कारयकरम जनुवरी ले मारच 2021 तक आयोजित करे जाही। अधिकारी मन ल  संबोधित करत हुए भेंड़िया ह कहिन कि समाज कल्यान बिभाग आत्मीयता अऊ मानवीय भावना के संग ही लोगन संग जुडे बिभाग हरय। बिभाग ह कोरोना महामारी म लॉकडाउन के दउरान जरूरतमंद के अच्छा सेवा करिस। कोरोना संक्रमन अभी खत्म नई होय हे, फेर सुरक्छा के साथ हमें तेजी ले कदम बढ़ाना हे। बिभागीय प्रसिक्षन के दिसा म सहयोगी साबित होहि। ये अवसर म कहिन कि दु दिव्यांग ल मोर्टराइज्ड ट्रायसायकल, दु दिव्यांगजन ल सामान्य ट्रायसायकल अऊ एक दिव्यांग जोड़ा ल एक लाख रूपया के विवाह प्रोत्साहन प्रदान करे गिस। येकर संग ही दिव्यांग छात्र ल 6 स्मार्ट फोन देय गिस।
भेंड़िया ह कहिन कि प्रसिक्छन म मिले मार्गदर्सन ले अधिकारी-कर्मचारी कमी ल दूर करके निरासित, दिव्यांग, तृतीय लिंग के व्यक्ति, दिव्यांग छात्र, बुजुर्ग के बेहतर सेवा कर पाहि। मंतरी कहिन कि कोविड म निजी काम जइसे सासकीय काम म घलो सतर्कता बरतते ल पड़हि। जिला अऊ ब्लॉक मुख्यालय म सिविर लगाके जादा ले जादा दिव्यांगजन विशिष्ठ दिव्यांग पहचान प्रमान पत्र (यूडीआईडी कार्ड) प्रदान करे गिस। कोसिस करव कि पंचायत के माध्यम ले कार्ड बनाय के काम करे जा सकय, जेकर ले दिव्यांगज मन ल आसानी हो सकय ओऊ ओला योजना के लाभ दे सकन। येकर ले ओकर भविस्य उज्जवल अऊ परिवार सुखी हो सकहि। कहिन कि तीसरा लिंग के व्यक्ति ल घलो मुख्य धारा ले जुड़के आगु बढ़ाय बर प्रोत्साहित करव।
समाज कल्यान बिभाग के संचालक पी. दयानंद ह कहिन कि राजय संसाधन व पुनर्वास केंद्र म बिभागीय कारयसैली ल अच्छा बर प्रसिक्छन देय जात हे। कोरोना महामारी के सेती वर्चुअल कनेक्टिविटी के बाद कई संवेदनशील बिसय उपर सीधा प्रसिक्छन के आवस्यकता है। अऊ आस जतात हुए कहिन कि व्यक्त के प्रसिक्छन अधिकारी मन ल एक बार फिर ऊरजावान होहि। प्रसिक्छन म बिभागीय अधिकरी, करमचारी, ऑपरेटर, अनुदान प्राप्त स्वैच्छिक संस्था के कर्मचारी उपस्थित रहिन।

 

ऊरजा संरक्षन ऊपर होइस चित्रकला अऊ स्लोगन प्रतियोगिता

ऊरजा संरक्षन ऊपर होइस चित्रकला अऊ स्लोगन प्रतियोगिता

26-May-2021

ऊरजा संरक्षन ऊपर होइस चित्रकला अऊ स्लोगन प्रतियोगिता 
धमतरी। क्रेडा के उरजा संरक्षन म आधारित चित्रकारी अऊ स्लोगन प्रतियोगिता म पहिली स्थान म छात्र मन ल पुरस्कार अऊ प्रमान-पत्र देय गिस। प्रभारी अधिकारी क्रेडा ह बताइस कि भारत सरकार के उरजा दक्षता ब्यूरो (बी.ई.ई.) अऊ विद्युत मंत्रालय, क्रेडा रायपुर के निरदेस म जिला स्तरीय उरजा संरक्षन अऊ उरजा दक्षता‘‘ बिसय म आनलाइन चित्रकारी अऊ स्लोगन प्रतियोगिता के आयोजन करे गिस, जेमा श्रेष्ठ चित्रकारी अऊ स्लोगन लिखइया छात्र-छात्रा मन ल पुरस्कार के रूप म नकद अऊ प्रमान-पत्र प्रदान करे गिस।
बताइस कि चित्रकला अऊ स्लोगन प्रतियोगिता के आयोजन दु ग्रुप म होइस। ग्रुप ‘ए‘ म कक्छा 5वीं ले 8वीं अऊ ग्रुप ‘बी‘ म कक्छा 9वीं, 12वीं तक के छात्र भाग लिस। छात्र मन ल 
पहिली ईनाम पांच हजार, द्वितीय ल तीन हजार अऊ तृतीय ल दु हजार रूपए प्रोत्साहन के रूप में देय गिस। अइसने ही स्लोगन म पहिली आने वाला तीन हजार रूपए, दुसरा दु हजार अऊ तीसरा विजेता ल एक हजार रूपए के संग प्रमान पत्र बांटिस। प्रभारी अधिकारी क्रेडा ह बताइस कि चित्रकला प्रतियोगिता ग्रुप ए म दिल्ली पब्लिक स्कूल के कक्षा सातवीं के छात्रा कु. अंकिता जैन पहिली आइस अऊ कु. अहर्निश सौम्य, केन्द्रीय विद्यालय कुरूद कक्षा-7वीं दुसरा, इशवीर सिंह, दिल्ली पब्लिक स्कूल कक्षा-7वीं ह तीसरा आइस। चित्रकला प्रतियोगिता ग्रुप बी म देवांशु गुप्ता, मेनोनाइट अंग्रेजी स्कूल धमतरी कक्षा-12वीं ह पहिली, अंजनेय पवार, दिल्ली पब्लिक स्कूल धमतरी, कक्षा-10वीं ह दुसरा अऊ कु. डा सोनकर शासकीय उच्चतर माध्यमिक शाला, गोकुलपुर वार्ड धमतरी, कक्षा-12वीं तीसरा आइस।
अइसने ही स्लोगन प्रतियोगिता ग्रुप ए म कु. पूर्वा साहू, जवाहर नवोदय विद्यालय कुरूद, कक्षा-8वीं पहिली, हर्षित मंडावी, सेंट जेवियर्स सीनियर सेकेंडरी स्कूल कक्षा-6वीं दुसरा, नरगिस कोसले केन्द्रीय विद्यालय, कक्षा-6वीं ह तीसरा आइस। स्लोगन प्रतियोगिता ग्रुप बी म ईशकुमार, सासकीय उच्चतर माध्यमिक साला, गोकुलपुर वार्ड धमतरी, कक्षा-12वीं पहिली देवांशु गुप्ता मेनोनाइट अंग्रेजी स्कूल धमतरी कक्षा-12वीं दुसरा अऊ द्रौपती देवांगन सासकीय उच्चतर माध्यमिक विद्यालय चरमुड़िया, कक्षा-11वीं तीसरा आइस। ये सब्बो छात्र ल पुरस्कार अऊ प्रमान पतरा जिला शिक्षा अधिकारी रजनी नेल्सन, क्रेडा जिला प्रभारी कमलनारायण पुरेना हे प्रदान करिस।

राजयपाल लोगन के सुनिस समस्या

राजयपाल लोगन के सुनिस समस्या

26-May-2021

राजयपाल लोगन के सुनिस समस्या

राजयपाल अनुसुइया उइके कना राजभवन म राजय प्रसानिक सेवा म पदोन्नत अधिकारी मन ले मुलाकात करिन। राजयपाल ह सब्बो झन ल भारतीय प्रसासनिक सेवा म पदोन्नत होय के बधई दिस। 
राजयपाल कहिन कि भारतीय प्रसासनिक सेवा के अधिकारी के पद बड़े जिम्मेदारी अऊ संवेदनसिलता के होथे। गरीब अऊ जरूरतमंद लोगन ल अब्बड़ आस रहिथे। लोगन जब तुंहर कना आथे त समझथे कि ओकर समस्या के समाधान हो जाहि। अइसन लोगन ले जरूर मिलव अऊ ओकर बात ल धियान लगा के सुनव, समस्या के हर संभव हल करे के कोसिस करव।  
राजयपाल कहिन कि सासन के संचालित योजना के जानकारी देवव अऊ योजना के लाभ देके प्रयास करव। कहिन कि छत्तिसगढ़ पांचवी अनुसूची म सामिल राजय हरय। इंहा के बहुत बड़े इलाका पांचवी अनुसूची म आथे। ये नियम के जानकारी राखव अऊ सासन योजना के लाभ दिलावव। ये मउका म राजयपाल ह भारतीय प्रसासनिक सेवा म पदोन्नत अधिकारी ल प्रतीक चिन्ह अऊ कॉफी टेबल बुक दिस।
ये बेरा मुख्य सचिव के उप सचिव जयश्री जैन, उच्च सिक्छा संचालनालय के अपर संचालक चंदन त्रिपाठी, कोरबा के अपर कलेक्टर प्रियंका ऋषि महोबिया,जिला पंचायत बलौदाबाजार के सीईओ डॉ फरिहा आलम,राजभवन के उप सचिव रोक्तिम यादव,राजय निर्वाचन आयोग के उप सचिव दीपक कुमार अग्रवाल अऊ जिला पंचायत बलरामपुर के सीईओ तूलिका प्रजापति उपस्थित रहिन।

छत्तिसगढ़ परयावरन मंडल ह जल प्रदूषन ल नियंत्रन करत हे अऊ

छत्तिसगढ़ परयावरन मंडल ह जल प्रदूषन ल नियंत्रन करत हे अऊ

26-May-2021

छत्तिसगढ़ परयावरन मंडल ह जल प्रदूषन ल नियंत्रन करत हे अऊ अऊ येकर निगरानी घलो होत हवय। संग ही प्राकृतिक जल जइसे नदी मोनिटरिंग करे जात हे। मंडल के सब्बो कार्यालय ले मिले निर्देस के मुताबिक राजय के जल प्रदूषन के उद्योग, दुसित जल ठीक करे बर संयंतरा चलत हे। येकर उल्लंघन होथे त कार्यवाही करे जाथे अऊ आवस्यक होते त कोर्ट म घलो कार्यवाही करे जाथे।
छत्तिसगढ़ प्रयावरन मंडल ल बताय गिस कि भनपुरी,उरला अऊ सिलतरा औद्योगिक इलाका के पानी नाली अऊ खारुन नदी के पानी के गुनवत्ता प्रभावित नई होत हे।
ये इलाका के उद्योग प्रदूसन प्रकृति अऊ दुसित पानी नदी म मिले जइसे स्थिति नई हे। इलाका म अइसे कोनो उद्योग नई चलत हे जेमा दुसित जल संयंत्र न लगे हो।
मंडल ह प्रदेस के प्रमुख नदी महानदी, खारुन, अरपा, हसदेव, केलो,शंखनी डंकनी,मांड, इंद्रावती म प्राकृतिक जल के गुणवत्ता के लगातार निगरानी करे जात हे। येकर बर बिभिन्न सैंपलिंग पाइंट बनाय गेय हवय। जिन्हा नदी के जल के जांच करे जाथे। प्रदेस के प्रमुख नदी महानदी म 8 सैपलिंग, खारुन म 4, हसदेव म 4, शिवनाथ 6, केलो 2, इंद्रावती अऊ शंकनी म एक जगह सैपलिंग लेके जांच होत हे। मंडल के जांच म महानदी, शिवनाथ, खारुन, अरपा अऊ केलो नदी के जल गुणवत्ता भारतीय मानक आईएस 2296 के अंतरगत श्रेनी सी, यानी के परम्परागत उपचार के बाद पिये के योग्य हवय।
मंडल के ये जांच नमूना के अतिरिक्त सब्बो प्रमुख नदी अऊ ओकर सहायक नदी, प्रमुख झील , बांध अऊ तालाब के जल गुणवत्ता के मोनेटरिंग होत हे। पानी म बीओडी के मातरा 3 मिलीग्राम पाय गेय हे। जउन निर्धारित मानक के अनुरूप हवय। राजय सरकार के मार्गदसन म प्रदेस के 5 नदी  महानदी, शिवनाथ, खारुन, अरपा अऊ केलो जेमा कुछ भाग घरेलू दुसित जल ले प्रभावित होत हे। येकर सुधार बर सीवरेज ट्रीटमेंट प्लांट के स्थापना कराय जात हे।
एनजीटी के निदेस के अनुसार 1 जुलाई 2021 के पूर्व नगरीय इलाका म दुसित जल के उपचार बर संयंत्र के स्थापना अऊ ओकर संचालन बर सब्बो नगरीय ल निर्देसित करे गेय हे। येकर सेती घरेलू दुसित जल के उपचार बर नाला म सीवरेज प्लांट के स्थापना करे जाहि।
नगरीय निकाय म जल उपचार संयतरा स्थापना होहि

सरकार के योजना ल कला जत्था दल लोगन तक पहुंचात हे

सरकार के योजना ल कला जत्था दल लोगन तक पहुंचात हे

26-May-2021

छत्तिसगढ़ सरकार के योजना अऊ कारयकरम के जानकारी बस्तर के गांव म कला जत्था दल के माध्यम ले लोकगीत संगीत,नाचा अऊ नाटक ले पहुंचात हे। ये दल हाट बाजार अऊ सार्वजनिक महत्व के स्थान म सरकारी योजना के प्रचार प्रसार करत हे। प्रसिक्छित कला जत्था दल स्थानीय बोली भाखा म परम्परिक लोकगीत संगीत अऊ नाचा के माध्यम ले योजना के जानकारी ग्रामीन तक पहुंचात हे।
कला जत्था दल के कारयकरम ले  योजना के प्रचार प्रसार देखे बर अऊ सुने बर लोगन म भारी उत्सुकता हवय। दल ह राजय सरकार के योजना अऊ उपलब्धि के पम्पलेट अऊ पुस्तक घलो लोगन ल निसुलक देवत हे। कला जत्था के माध्यम ले प्रचार प्रसार बर बस्तर संभाग के सात जिला के 15-15 जगह के चयन करे गेय हे। दस कला जत्था के माध्यम ले राजय सासन के जन कल्यानकारी योजना के प्रचार प्रसार करत हे।

सरकार के योजना ल कला जत्था दल लोगन तक पहुंचात हे

छत्तिसगढ़ म बंपर धान खरीदी,20 साल के टूटिस रिकार्ड

छत्तिसगढ़ म बंपर धान खरीदी,20 साल के टूटिस रिकार्ड

26-May-2021

छत्तिसगढ़ म बंपर धान खरीदी,20 साल के टूटिस रिकार्ड

छत्तिसगढ़ म ये बछर समर्थन मुल्य म रिकार्ड धान खरीदी होइस। राजय निर्मान के 20 बछर म असो धान खरीदी म रिकार्ड बनाइस। ये बछर चालू धान खरीदी सीजन म 21 जनुवरी तक 84 लाख 44 हजार मीट्रिक टन धान के खरीदी होइस। बीते बछर कुल 83.94 लाख मीट्रिक टन ले 50 हजार ज्यादा हवय।

मुख्यमंतरी भूपेश बघेल के नेतृत्व म प्रदेस म 2 बछर म धान खरीदी के मात्रा अऊ खेती किसानी के संग किसान के संख्या म रिकार्ड बढोतरी होइस। यजउन राजय बर सुभ संकेत हरय। राजय के किसान हितैसी नीति के सेती छत्तिसगढ़ देस म माडल बनहि। छत्तिसगढ़ सरकार के राजीव गांधी किसान न्याय योजना ले फसल उत्पादकता ल बढ़ावा मिलिस। चालू वृतीय बछर म राजय सरकार ये योजना ले 19 लाख किसान मन ल 5750 करोड़ रुपया प्रोत्साहन रुपिया मिलहि।
बता दन कि प्रदेस म 2017-18म 56.88 लाख मीट्रिक टन धान के खरीदी होय रहिस। 2018-19 म 80.83 लाख मीट्रिक अऊ 2019-20 म 83.94 लाख मीट्रिक टन धान समर्थन मुल्य म खरीदे गेय रहिस। येकर संग ही किसान मन के संख्या घलो बाढ़हत हे।
2017-18 म धान बेचइया किसान के संख्या 15.77लाख रहिस। 2019-20 म बढ़ के 19.55 लाख हो गेय। ये बछर 21.52 लाख पंजीकृत किसान के रिकार्ड बढ़ोतरी हो

देसभर म छत्तिसगढ़ के बिजली घर अव्वल

देसभर म छत्तिसगढ़ के बिजली घर अव्वल

26-May-2021

देसभर म छत्तिसगढ़ के बिजली घर अव्वल

देसभर के ताप विद्युत गृह म उत्पादन के मामला म छत्तिसगढ़ अव्वल आय हे। छत्तिसगढ़ स्टेट पावर जनरेसन ह कीर्तिमान रचे हे। भारत सरकार के ऊर्जा मंत्रालय के केंद्रीय बिद्युत प्राधिकरन(सीईए) ह दिसंबर 2020 के प्रतिवेदन म रिकार्ड ल दर्ज करिस। सीईए के अनुसार छत्तिसगढ़  बिद्युत उत्पादन कंपनी के बिद्युत गृह ह 70.08 प्रतिसत पीएलफ प्रदरसित करिस। अऊ रासटीय  स्तर म देसभर के ताप बिद्युत गृह औसत 51.49 प्रतिसत पीएलफ दर्ज करिस।
मुख्यमंतरी भूपेश बघेलभ देसभर के 33 स्टेट पावर सेक्टर के बिद्युत संयंतरा ल 6 महिना ले पाछु करिन अऊ पहिली आइन। येकर बर कंपनी के चेयरमैन अंकित आनंद अऊ एमडी (जनरेसन) एनके बिजौरा ल बधई दिन।
एनके बिजौरा ह उपलब्धि के सरेय प्रदेस के ऊर्जावान नेतृत्व अऊ पॉवर कंपनी के अधिकारी करमचारी के टीम वर्क के संग अच्छा प्रबन्धन ल दिन। कहिन कि एक बछर ले कोरोना वायरस से बाचत बिद्युत बनाइस। जुलाई 2020 ले अधिक उत्पादन के बढ़त ल बनाय रखिन अऊ अऊ चालू बिरितीय बछर म दिसंबर 2020 म 70.08 प्रतिसत पीएलफ दर्ज करे म सफलता मिलिस।
केंद्रीय बिद्युत प्राधिकरन के अनुसार देसभर के बिद्युत गृह म छत्तिसगढ़ ल पहिली, तेलंगाना स्टेट पॉवर जनरेसन ल दुसरा अऊ सिंगरेनी कोलियारिश निगम ल तीसरा स्थान मिलिस।

लइका मन देस के भविस्य-सीएम

लइका मन देस के भविस्य-सीएम

15-May-2021
मुख्यमंतरी भूपेश बघेल 3 जनवरी के बिलासपुर के तारबहार म 93 लाख रुपया के लागत ले बने स्वामी आत्मानंद अंग्रेजी माध्यम उत्कृष्ट उच्चर माध्यमिक विधालय के शुरुआत करिन। येकर बाद मुख्यमंतरी विधालय परिसर के भ्रमन करिन अऊ छात्र-छात्रा मन बर उपलब्ध सुविधा के जायजा लिन। पुस्तकालय म पहुंच के उपलब्ध पुस्तक अऊ पत्र-पत्रिका के अवलोकन करिन। विजिटर बुक म संदेस लिख के सिक्छा, हुनर अऊ खेल कूद म कौसल हासिल करे बर छात्र-छात्रा ल प्रोत्साहित करिन। ये मउका म मुख्यमंतरी भूपेश कहिन कि लइका जतका सिक्छित अऊ स्वस्थ रहि, देस के भविस्य ओतका ही सुरक्छित रहि। लइका मन के उत्साह बढ़ाईन, संग ही अपन अनुभव बांटिस। अऊ लइका, सिक्छिक संग फोटो खिचाइस। स्वामी आत्मानंद अंग्रेजी माध्यम उत्कृष्ट उच्चतर माध्यमिक विद्यालय म पहिली ले बारहवीं तक के कछा चलत हे। विद्यालय म छात्र मन बर फर्नीचर, आधुनिक प्रयोग साला, ग्रंथालय, खेल कूद के पूरा सामान हवय। संग ही स्मार्ट क्लास म लइका मन ल सिक्छा देय जात हे लइका मन देस के भविस्य-सीएम