भाजपा के नवा प्रदेस कार्यकारिनी घोषित, गौरीशंकर ल बनाय गिस कोषाध्यक्छ, अजय चंद्राकर, ओपी चौधरी, राजेश मूणत, केदार यादव ल मिलिस ये जिम्मेदारी...

भाजपा के नवा प्रदेस कार्यकारिनी घोषित, गौरीशंकर ल बनाय गिस कोषाध्यक्छ, अजय चंद्राकर, ओपी चौधरी, राजेश मूणत, केदार यादव ल मिलिस ये जिम्मेदारी...

30-Sep-2020

रायपुर। भाजपा प्रदेस अध्यक्छ विष्णुदेव साय ह पार्टी के रास्ट्रीय नेतृत्व के सहमति ले प्रदेस पदाकारी के घोषना करिन। जारी सूची म प्रदेस पदाधिकारी अऊ प्रदेस कार्यसमिति सदस्य के नाव सामिल हे।

प्रदेस पदाधिकार म 23 नेता ल जगह मिले हे। येमा पार्टी के अध्यक्छ विष्णदेव साय ह उपाध्यक्छ शिवरतन शर्मा ल बनाइस। प्रदेस महामंतरी (संगठन) पवन साय, मीडिया प्रभारी नलीनेश ठोकने बनाय गिस। प्रदेस कार्यसमिति सदस्य म रमन सिंह, बृजमोहन अग्रवाल, सरोज पांडे, रामविचार नेताम समेत 40 नेता ल अलग-अलग जिला म जगह मिलिस। प्रदेस बिसेस आंमत्रित सदस्य म 36 नेता ल जिम्मेदारी देय गिस। प्रदेस स्थायी आमंत्रित सदस्य म 83 नेता ल जगह मिलिस।

अजय चंद्राकर, राजेश मूणत व केदार यादव ल पार्टी के प्रवक्ता के जिम्मेदारी देय गिस। गौरीशंकर अग्रवाल कोषाध्यक्छ बनाय गिस। ओपी चौधरी ल महामंतरी (संगठन) के जिम्मेदारी देय गिस।

महुआ दारू बेचत आंगनबाड़ी सहायिका पकड़ाइस, गिरफ्तार कर भेजिस जेल

महुआ दारू बेचत आंगनबाड़ी सहायिका पकड़ाइस, गिरफ्तार कर भेजिस जेल

29-Sep-2020

सूरजपुर। लॉकडाउन म जिला के सब्बो दारू दुकान बंद करे गेय रहिस। इंही बीच आबकारी बिभाग ल अबैध रूप ले दारु बेचे के सूचना मिलिस। येकर बाद मौका म छापा मारे गिस। तीन लोगन के ऊपर एफआईआर दर्ज करे गिस।

वार्ड 9, नवापारा कालेज रोड के रहइया आंगनबाड़ी सहायिका ममता देवांगन ले 6.5 लीटर महुआ दारू जब्त करिस। सहायिका ऊपर आबकारी अधिनियम के तहत अपराध दर्ज कर न्यायिक रिमांड म जेल भेजे दिस।

आने मामल म भट्ठापारा निवासी बबीता गोंड ल महुआ दारु बेचत पकड़िस अऊ 4.5 लीटर दारु जब्त करिस। येकर संग ही  महुआपारा रहइया अशोक साहू ले 4 लीटर महुआ दारू जब्त कर जांच करत हे।

8 लाख के इनामी नक्सली कोसा मरकाम करिस आत्मसमर्पन, कई जिला म रहिस सक्रिय

8 लाख के इनामी नक्सली कोसा मरकाम करिस आत्मसमर्पन, कई जिला म रहिस सक्रिय

29-Sep-2020

दंतेवाड़ा। 8 लाख के ईनामी नक्सली कोसा मरकाम ह पुलिस के सामने आत्मसमर्पन करिस। मरकाम बस्तर संभाग के कई जिला म लंबा समय ले सक्रिय रहिस। कोसा मरकाम ह एसपी अभिषेक पल्लव के सामने आत्मसमर्पन करिस।

ईनामी नक्सली कोसा मरकाम नक्सली के 5 नम्बर प्लाटून के सदस्य रहिस, जउन दंतेवाड़ा, नारायणपुर अऊ कांकेर जिला म सक्रिय रहिस। कोसा के सरेंडर ले पुलिस ल बड़े राहत मिलिस।

बड़का खबर : प्रदेस म मिलिस 3725 नवा मरीज, 13 लोगन को होइस मउत

बड़का खबर : प्रदेस म मिलिस 3725 नवा मरीज, 13 लोगन को होइस मउत

29-Sep-2020

रायपुर। प्रदेस म सम्मार के साढ़े तीन हजार ले ज्यादा कोरोना मरीज मिलिस। एक दिन म 3725 नवा संक्रमित के पहिचान करिस। उंही 562 लोगन ल अस्पताल ले छुट्टी देय गिस। ये बीमीर ले 13 लोगन के मउत हो गेय।

ये नवा मरीज के संग ही प्रदेस म करोना संख्या बाढ़ 108458 हो गेय। अभी 74537 मरीज एक्टिव हे। अऊ येकर संग ही प्रदेस म मउत के आंकड़ा बाढ़ के 877 हो गिस।

प्रदेस म मिलिस कोरोना के 2272 नवा मरीज, 19 के होइस मउत

प्रदेस म मिलिस कोरोना के 2272 नवा मरीज, 19 के होइस मउत

28-Sep-2020

रायपुर। प्रदेस म इतवार के 2272 नवा कोरोना मरीज के पहिचान होइस। अऊ 19 मरीज के मउत हो गेय हे। उंहे इलाज के बाद 519 मरीज ठीक होइस।

 नवा के संग प्रदेस म कोरोना के कुल आंकड़ा बाढ़ के एक लाख 4 हजार 733 हो गेय। जेमा 72224 लोगन ल डिस्चार्ज करे गिस। 19 के संग अब मउत के आंकड़ा बाढ़ के 848 हो गेय।

पानी निकासी के नाव ले झगड़ा, पड़ोसी महिला अऊ अपन बड़े मां के कर दिस हत्या

पानी निकासी के नाव ले झगड़ा, पड़ोसी महिला अऊ अपन बड़े मां के कर दिस हत्या

28-Sep-2020

खरसिया। नाली के पानी निकासी के झगड़ा म बड़का घटना हो गेय। इतवार के बिहनिया एक युवक ह अपन बड़े मां अऊ पड़ोसी के हत्या कर दिस। ये झगड़ा ल देख के ओकर दाई ह छुड़ाय बर पहुंचिस, युवक ह ओकर ऊपर घलो हमला कर दिस। ग्रामीन मन के सूचना के बाद पुलिस ह आरोपी ल गिरफ्तार कर लिस।

पुसौर पुलिस बताइस कि आरोपी मनीष अऊ पड़ोसी रामवती के बीच नाली के पानी निकाली ल लेके बिबाद रहिस। मनीष यादव के घर के बरसाती पानी ल रामवती अपन घर कोती ले जगह नई देत रहिस, जेकर सेती आय दिन झगड़ा होवत रहिस। गांव वाले मन दूनो पक्क्ष समझा घलो रहिन। ये मामला म मनीष के बड़े मां रामती के पक्क्ष लेवत रहिस, जेकर सेती उंहो ल मार दिस।

तीन कृसि बिल ऊपर राष्ट्रपति रामनाथ कोविंद करिन हस्ताक्षर, अब बनिस कानून

तीन कृसि बिल ऊपर राष्ट्रपति रामनाथ कोविंद करिन हस्ताक्षर, अब बनिस कानून

28-Sep-2020

नई दिल्ली। संसद के दूनो सदन ले पास कृसि बिल ल लेके पूरा देश म बिरोध होवत हे, उंही बीच राष्ट्रपति कोविंद ह कृसि बिल ऊपर हस्ताक्षर कर दिस। अब ये तीनो बिल ह कानून के रूप ले लिस।

भारत के संविधान के अनुसार कोई बिल संसद ले पास होय के बाद राष्ट्रपति के पास भेजे जाथे, राष्ट्रपति के हस्ताक्षर के बाद ही वोहा कानून बनथे।

लोकसभा म बिल पारित होय के बाद 20 सितंबर के राज्यसभा म ध्वनि मत ले पारित करे गिस। कृसि बिधेयक पारित होय के बाद पंजाब, हरियाणा अऊ देसभर बिरोध प्रदर्सन होइस। बिपक्छी सांसद मन राष्ट्रपति ले बिनती करिन की आप बिल म हस्तारक्ष मत करहु अऊ ओला वापिस कर देय हुं।

कृसि बिल, केंद्र सरकार ऊपर मुख्यमंतरी भूपेश बोलिस हमला, कहिन- कालाबाजारी अऊ जमाखोरी ल मिलहि बढ़ावा, हमन राज्य म अलग कानून बनाबो...

कृसि बिल, केंद्र सरकार ऊपर मुख्यमंतरी भूपेश बोलिस हमला, कहिन- कालाबाजारी अऊ जमाखोरी ल मिलहि बढ़ावा, हमन राज्य म अलग कानून बनाबो...

28-Sep-2020

रायपुर। कृसि बिल ल लेके मुख्यमंतरी भूपेश बघेल इतवार के केंद्र सरकार ऊपर हमला बोलिस। कहिन के बिल ले जमाखोरी और कालाबाजारी ल बढ़ावा मिलहि. ये बिल ले सबसे ज्याद नुकसान उपभोक्ता ल होहि। येकर सेती हमन अपन प्रदेस म अलग ले एक कानून बनाबो। केंद्र सरकार के कानून म न्यूनतम समर्थन मूल्य म खरीद ल बंद करे के ये साजिस हरय। येकर ले गरीब मन ल सस्ता चाउंर देय के योजना बंद हो जाहि।

मुख्यमंतरी कहिन कि जइस फसल बीमा के फायदा किसान मन ल नइ मिलिस, कंपनी ल ज्यादा फायदा मिलिस, अइसने कॉन्ट्रैक्ट फार्मिंग ले किसान मन के हाल होहि। भाजपा के रमन सिंह ऊपर सवाल करिस कि आपन कहे रहेव कि स्वामीनाथन रिपोर्ट ल लागू करबो कहिके, लेकिन नई करेव। आपने किसान के आय दुगुना करे के वादा करे रहेव, फेर नई कर पायव।  

युवक ऊपर चाकू  ले जानलेवा हमला, घायल ल मेकाहारा म करिस भर्ती

युवक ऊपर चाकू ले जानलेवा हमला, घायल ल मेकाहारा म करिस भर्ती

28-Sep-2020

रायपुर। राजधानी म एक युवक ऊपर चाकू ले हमला कर मोबाइल लूट लिस। घायल युवक के इलाज बर अस्पताल म भर्ती कराय गेय हे। घटना पंडरी थाना के मोवा ओवर ब्रीज के पास होइस।

युवक सोनू रात के अपन घर जात रहिस, इंही बेरा अज्ञात बदमास मन सोनू ऊपर हमला कर दिस अऊ मोबाइल ल लूट के भाग गिस। घायल के इलाज मेकाहारा म चलत हे। अज्ञात लुटेरा के ऊपर पंडरी थाना म मामला दर्ज करे गेय हे। पुलिस ह आस-पास के सीसीटीवी फुटेज ल निकालत हे,जेकर से आरोप के पहचान करे जा सकय।

कोरोना के कहर :  छत्तीसगढ़ म कोरोना के आंकड़ा 1 लाख के पार, एक दिन म मिलिस 3896 नवा मरीज, 23 लोगन के हो गेय मउत

कोरोना के कहर : छत्तीसगढ़ म कोरोना के आंकड़ा 1 लाख के पार, एक दिन म मिलिस 3896 नवा मरीज, 23 लोगन के हो गेय मउत

26-Sep-2020

रायपुर। छत्तीसगढ़ म कोरोना के मामला 1 लाख के आंकड़ा ल पार कर दिस। सनिच्चर के प्रदेश म 3896 नवा कोरोना मरीज के पहचान करे गिस। अऊ 643 लोगन ल इलाज के बाद अस्पताल ले छुट्टी देय गिस। अऊ 23 मरीज के कोरोना ले मउत हो गेय।

नवा मरीज के संग ही प्रदेश म कोरोना के संख्या बाढ़ के 1 लाख 2 हजार 461 हो गेय। जेमा 70 हजार 955 मरीज ठीक हो गेय हे। अभी 30 हजार 689 मरीज संक्रिय हे। प्रदेश में कुल मरीज के संख्या बाढ़ के 817 हो गेय।