सोर संदेश

अगुवा भूपेश बघेल छत्तीसग़ढ म कांग्रेश के ऐतिहासिक जीत के बाद मुख्यमंत्री कोन बनही तेकर माथा पच्ची चलत हे । मगर मुख्यमंत्री के दउड़ म भूपेश बघेल अगुवा हे । काबर की 2014 म परदेस कांगेस के अध्यक्ष बनाये गिस तब कांगेस के हालत बहुत खराब रिहिस हे । भूपेश ह कांगेस ल चार्ज करिस , एक नवा जान फुकीस , सब्बो कांगेसी मन मे आत्मविस्वास जगाइए , कांगेसी मन ल आंदोलन करना सिखाइस । प्रदेस अध्यक्ष कमान सम्हाले के बाद सड़क म उतर के बहुत सारे मुददा म आंदोलन करीन ।पहली फर्जी रासन कार्ड ,किसान के धान खरीदी के मुददा ,अउ बोनस के मुददा म आन्दोलन करीन अउ सफल भी होइन ।ऐकर साथे साथे नसबंदी कांड ,आंख फोड़वा कांड, भूमि अधिग्रहण मामला म पदयात्रा करीन । अउ हर आन्दोलन ल सफल बनाइस। नगरीय निकाय अउ पंचायत चुनाव म जीत होइस , इही मेर ले कांग्रेश संघटन मजबूत होइस । बड़े उपलधि अजित जोगी ला पार्टी ले बाहर निकले के माद्दा बधेल करा रहिस ।बधेल ह रमन सरकार , आरएसएस के खिलाफ खुल्ला लड़ाई लडिस । इन्ह तक कि बधेल के माँ ,पत्नी के खिलाफ ईओडब्ल्यू म मामला दर्ज होइस , फर्जी सेक्स सीडी कांड म गिरफ्तार होइस । मुख्यमंत्री के पद के हकदार अउ लायक भूपेश बघेल हे । किसान पुत्र , आक्रामक सैली, बेबाक बयान , रमन सरकार ले लड़ने वाला , संघर्ष करने वाला , केस झेलने वाला, जेल जाने वाला , संघटन ल मजबूत बनाने वाला ।सब छेल सहिस । बाकी मन ट्रांफ़र,नियुक्ति , ठेका इही म बिजी रहीन है।