जय हो स्वामी आत्मानंद

जय हो स्वामी आत्मानंद

06-Oct-2018
आत्मा म आनंद भरइया स्वामी आत्मानंद तोर संग मिलके लागिस जइसे मिलगे परमानंद जय हो स्वामी आत्मानंद... मन मोर मइलाए रहीस हिरदे रहिस करिया चिक्कन-चांदन धोके करे उज्जर तैं ह बढ़िया मोह-माया अउ कपट के छोड़ाए तैं दुरगंध.... जय हो स्वामी आत्मानंद... राग-रंग म बूड़े राहन नइ जानन कुछू सेवा तरी-उप्पर नाचत राहय पंड़की अउ परेवा मिरगिन कस उछलन-कूदन ठाढ़ेच अड़दंग.... जय हो स्वामी आत्मानंद.... नाचा-गम्मत खेल-तमासा जिनगी इही लागय दया-धरम के पाठ-पढ़ौना एती-तेतीच भागय सुर म सुर मिलाए कस अब जुड़ागे सबो अंग... जय हो स्वामी आत्मानंद... -सुशील भोले संजय नगर, रायपुर मो. 9826992811

leave a comment