श्री गणेश जी के जन्म

श्री गणेश जी के जन्म

15-Sep-2018
गणेस चतुर्थी के महतत गणेस चतुरथी एक हिन्दू परब हे ,जेन श्री गणेश के जन्मदिन अउ उकर स्वागत म हर बछर ये परब मनाये जाथे । गणेश के माता पार्वती अउ भगवान के शिव के बेटा ये । ये परब ला भारत देस के संगे संग पूरा विश्व म मनाये जाथे । अउ लोगन मन भगवान ले मनचाहा बरदान मांग के आसीस तको मांग थे । ‌ भगवान गणेश ह बुद्धि अउ समृद्धि के देवइया ये , भगवान गणेश के सब्बो देव म सबले पहली पूजा होथे । काबर की भगवान शिव के वरदान म मिले हे गणेश भगवान के पूजा ले सब्बो समस्या ,परेशानी सिरा जथे ,गणेश के जेन भगत होथे , वो भगत के जीवन म कोनो परकार के बाधा नई आवय । ‌ कोनो भी नवा काम होथे त सबले पहली गणेश के पूजा होथे ओकर बाद बाकी देव के , ये परब ला 10 दिन तक मनाथे गणेश के पूजा म लईका मन तको भारी जोरसोर ले भाग लेथे । गनेस परब चतुर्थी के सुरु होथे अउ अनन्त चतुर्थी के समापन होथे ।

leave a comment