काष्ठ शिल्पकार मन के कला न नवा चिन्हारी मिलत हे: मंत्री गुरु रूद्रकुमार

काष्ठ शिल्पकार मन के कला न नवा चिन्हारी मिलत हे: मंत्री गुरु रूद्रकुमार

06-Jun-2021

काष्ठ शिल्पकार मन के कला न नवा चिन्हारी मिलत हे: मंत्री गुरु रूद्रकुमार 

छत्तीसगढ़ हस्तशिल्प विकास बोर्ड देवत हे शिल्पी मन ल स्व-रोजगार के प्रशिक्षण                       

      ग्रामोद्योग मंत्री गुरु रूद्रकुमार के पहल म छत्तीसगढ़ हस्तशिल्प विकास बोर्ड प्रशिक्षण के माध्यम ले अनुसूचित जाति के काष्ठ कला शिल्पकार मन के कला ल नवा चिन्हारी मिले हे। मंत्री गुरु रुद्रकुमार के सलाह म ग्रामोद्योग बिभाग के शिल्पकार मन दवारा तियार करे गए कलाकृति मन ल बेहतर बाजार उपलब्ध कराए बर ऑनलाइन प्लेटफार्म भी उपलब्ध कराए हे। जेकर ले छत्तीसगढ़ के कलाकृति मन के देश म ही नही बिदेस मन म भी बड़ई  होए हे। अउ शिल्पकार मन के कला ल निखारे बर छत्तीसगढ़ हस्तशिल्प विकास बोर्ड दवारा काष्ठ शिल्प ले जुड़े नवा युवा शिल्प मन ल डिजाइन तकनीकी प्रशिक्षण दे जात हे।               

      छत्तीसगढ़ हस्तशिल्प विकास बोर्ड , जगदलपुर के महाप्रबंधक  एल. एस. वट्टी ह बताइन की बस्तर जिला के शिल्पग्राम परचनपाल म काष्ठ शिल्प ले जुड़े शिल्पी मन के विगत एक फरवरी ले एक महिना के तकनीकी प्रशिक्षण विशेषज्ञ मन दवारा दे जात हे। ए प्रशिक्षण केंद्र म काष्ठ शिल्प ले जुड़े अनुसूचित जाति के 30 नवा शिल्पी मन के कला ल तरासे जावत हे। हस्तशिल्प विकास बोर्ड दवारा ए प्रशिक्षण कार्यक्रम बर प्रशिक्षक अउ डिजाइनर नियुक्त करे गए हे। प्रशिक्षण के समय सबो शिल्पी मन ल 6 हजार 900 रुपया के छात्रवृत्ति, कच्चा माल सहित निःशुल्क औजार अउ उपकरण उपलब्ध कराए गए हे। अउ प्रशिक्षण के बाद काष्ठ शिल्प के ए शिल्पी मन ल स्व- रोजगार ले जोड़े जाहि।


leave a comment