छत्तिसगढ़ के दु सहर के करिस अच्छा परदर्सन, देस के टॉप 10 सहर म बनाइस जगह

छत्तिसगढ़ के दु सहर के करिस अच्छा परदर्सन, देस के टॉप 10 सहर म बनाइस जगह

06-Jun-2021

छत्तिसगढ़ के दु सहर के करिस अच्छा परदर्सन, देस के टॉप 10 सहर म बनाइस जगह
म्युनिसिपल परफॉर्मेंस इंडेक्स म छत्तिसगढ़ के 2 सहर ह अच्छा परदर्सन करिस अउ देस के टॉप 10 सहर म जगह बनाइस। रायपुर सहर 10 लाख ले जादा जनसंख्या वाला सहर के श्रेनी म देस के 7वां अउ बिलासपुर सहर ह 10 लाख के कम जनसंख्या वाला सहर के श्रेनी म 7वां रैंक हासिल करिस। दुनो सहर ल  सहरी निकाय (सरकार) ह नागरिक मन ल मूलभूत सुविधा देय म अच्छा परदर्सन करिस अउ येखर सेती देस म सातवां स्थान आइस।

भारत सरकार आवास अउ सहरी कार्य मंत्रालय ह गुरुवार के वीडियो कॉन्फ्रेंसिंग के माध्यम ले म्युनिसिपल परफॉर्मेंस इंडेक्स प्रतियोगिता के परिनाम घोसित करिस। परिनाम के घोसना केंदरीय आवास अउ सहरी कार्य मंतरी हरदीप सिंह पुरी ह नवा दिल्ली म करिन।
मुख्यमंतरी भूपेश बघेल ह रायपुर अउ बिलासपुर के नागरिक, जनप्रतिनिधिय अउ नगरीय परसासन बिभाग ल बधई दिन। भूपेश कहिन कि ये हमर बर गौरव के विषय हे कि छत्तिसगढ़ सल्लग सहरी छेतरा म अच्छा काम करिस येकर सेती ये पुरस्कार परदान करिस।
बीते बछर देस म स्वच्छतम राज्य के पुरस्कार अउ प्रधानमंत्री आवास योजना म अच्छा कार्य बर छत्तिसगढ़ ल केंद्र सरकार ह पुरस्कार परदान करे रहिस।
 
ये उपलब्धि बर नगरीय परसासन मंतरी डॉ. शिवकुमार डहरिया ह सहरवासी अउ बिभागीय अधिकारी मन ल बधई दिन अउ भविस्य म घलो अइसने परदर्सन दोहराय के बात कहिन।
रोजगार अउ ट्रासपोरट म पिछड़िस
रोजगार के अवसर म बेंगलुरु पहिली आय हे। रायपुर ह रोजगार के अवसर उपलब्ध कराय के मामला, आरथित योग्यता अउ सहर म यातायात के साधन म पिछड़ गेय। 

राजधानी रईपुर के स्थिति
इंडेक्स                रैकिंग
बिजली                1
आवास उपलब्धता       3
निवास के योग्य        6
मनोरंजन स्थल         10
ग्रीन स्पेस बिल्डिंग      10
परयावरन संरक्छन     11
स्वास्थ्य सेक्टर        17
आरथिक अवसर       23
आरथिक बिकास      25
ट्रांसपोरट            25
सिक्छा             26
कचरा परबंधन       32
नागरिक सुरक्छा     42


leave a comment