गउठान ल आजीविका केंद्र के रूप म विकसित करव : टी एस सिंहदेव

गउठान ल आजीविका केंद्र के रूप म विकसित करव : टी एस सिंहदेव

26-May-2021
गउठान ल आजीविका केंद्र के रूप म विकसित करव : टी एस सिंहदेव
 
रायपुर। पंचायत अऊ ग्रामीन बिकास मंतरी टीएस सिंहदेव ह ठाकुर प्यारेलाल पंचायत अऊ ग्रामीन बिकास संस्थान निमोरा म बिभागीय काम-काज के समीक्छा करिन। इंहा कहिन कि गोधन न्याय योजना छत्तिसगढ़ सरकार के सर्वोच्च प्राथमिकता वाला योजना हरय। येकर क्रियान्वयन बर कृसि बिभाग नोडल अधिकारी हे। सब्बो बिभागों के प्रयास ले ये योजना ल सफल बनाना हे। सिंहदेव कहिन कि गउठान के आजीविका केंद्र के रूप म बिकसित करे जाहि। गोधन न्याय योजना ल लागू करे बर पंचायत अऊ ग्रामीन विकास विभाग के सहभागिता होना चाहि। गउठान ल स्वावलंबी बनाय बर, जादा वर्मी कंपोस्ट के उत्पादन बढ़ाय बर, स्व सहायता समूह ल सक्रिय करे बर, किसान अऊ समुदाय ल जोड़े के निरदेस दिस। 
मंत्री सिंहदेव कहिन कि पंचायत अऊ ग्रामीन विकास विभाग के अधिकारी कृसि विभाग के जिला अधिकारी ले सहयोग लेके गउठान के गतिविधि म अऊ अधिक सुधार लावव, गोबर ले निर्मित उत्पाद ल बढ़ावव अऊ मांग के अनुरूप वर्मी कंपोस्ट के आपूर्ति कृसि, उद्यानिकी, वन अऊ सहरी विकास विभाग ल देवव। बइठक म कृसि उत्पादन आयुक्त अऊ सचिव डॉ एम गीता ह गउठान के स्थिति अऊ उहां संचालित गतिविधि, वर्मी कंपोस्ट निरमान के प्रस्तुतिकरन करके जानकारी दिन। डॉ गीता ह बइठक म उपस्थित अधिकारी मन ल कहिन कि वोमन गउठान के नियमित निरीक्षन करव, गउठान म गोबर खरीदी सुभ होवय, समूह के महिला मन ल जादा लाभ होवय। अधिकारी मन कहिन कि समूह ल देय गेय गोबर अऊ भुगतान के जानकारी राखहु। 
बइठक म महात्मा गांधी रास्टीय ग्रामीन रोजगार गारंटी योजना के तहत काम के लक्छय अअऊ 100 दिन रोजगार उपलब्ध कराय बर अऊ वन अधिकार पट्टा धारक परिवार मन ल 150 दिन रोजगार उपलब्ध कराय बर, धान संग्रहन चबूतरा, पंचायत भवन, गउठान, चारागाह विकास, नरवा उपचार अऊ समय म मजदूरी भुगतान के जिलेवार समीक्छा करे गिस। बइठक म प्रधानमंत्री आवास योजना के तहत रूफ कास्ट स्तर वाला लोगन बर घर बनाय के संबंध म चरचा करिस। बइठक म सचिव पंचायत अऊ ग्रामीन विकास आर प्रसन्ना, आयुक्त मनरेगा मोहम्मद कैसर अब्दुलहक, ठाकुर प्यारेलाल पंचायत अऊ ग्रामीन विकास संस्थान के संचालक  पीसी मिश्रा, प्रमुख अभियंता ग्रामीन यांत्रिकी सेवा एसएन श्रीवास्तव, ग्रामीन सड़क विकास अभिकरन के मुख्य कार्यपालन अधिकारी आलोक कटियार सहित सब्बो जिला पंचायत के मुख्य कार्यपालन अधिकारी उपस्थित रहिन।

leave a comment