छत्तीसगढ़ म मिलिस 15 अऊ कोरोना के मरीज, आंकड़ा पहुंचिस 300 के पार

छत्तीसगढ़ म मिलिस 15 अऊ कोरोना के मरीज, आंकड़ा पहुंचिस 300 के पार

26-May-2020

रायपुर। छत्तीसगढ़ म कोरोना वायरस सल्लग बाढ़त जात हे। मंगल के अऊ 15 नवा कोरोना पॉजिटिव मरीज के पहिचान करे गिस। अब राज्य म कोरोना के आंकड़ा 300 के पार पहुंच गेय।

आज राजनांदगांव म 12, बेमेतरा 2 अऊ रात म रायगढ़ 1 कोरोना मरीज मिलिस। प्रदेस म कुल सक्रिय मरीज़ के संख्या 235 हो गेय हे। अऊ 72 लोगन ठीक होके अपन घर लौट गेय हवय।

बेमेतरा जिले म मिले 2 नवा मरीज म एक नगर पंचायत देवकर अऊ दूसरा ग्राम तारपोंगी के क्वारेंनटाइन सेंटर म राखे गेय रहिस। दूनो खाय कमाय बर दूसर प्रदेस गेय रहिस। कोरोना टेस्ट रिपोर्ट पॉजिटिव आय के बाद स्वास्थ्य बिभाग दूनो ल कोविड-19 अस्पताल म भर्ती करिस।

सम्मार के कुल 41 नवा कोरोना पॉजिटिव मरीज के पहिचान होइस। मुंगेली म 30, कांकेर 3, धमतरी 2, रायपुर, बिलासपुर, बलरामपुर, कोरिया, रायगढ़ अऊ राजनांदगांव ले 1-1 मरीज मिले रहिस।


leave a comment