तालाबंदी म नमक के कालाबाजारी, नापतौल बिभाग ह दू संस्थान ल पकड़िस, अपराध दर्ज

तालाबंदी म नमक के कालाबाजारी, नापतौल बिभाग ह दू संस्थान ल पकड़िस, अपराध दर्ज

12-May-2020

रायपुर। नापतौल बिभाग सम्मार के रायपुर, दुर्ग, बिलासपुर, जगदलपुर, रायगढ़ अऊ अम्बिकापुर जिला के 276 संस्थान म दबिश दिस। नापतौल बिभाग के अधिकारी बताइस कि दुर्ग के दू संस्थान म नमक पाकिट ल एमआरपी ले जादा बेचत पकड़े गिस। दूनो संस्थान के खिलाफ प्रकरन दर्ज करे गेय हे।

राज्य म कोरोना संक्रमन के रोकथाम अऊ येकर बचाव बर मुख्यमंतरी भूपेश बघेल के नेतृत्व म छत्तीसगढ़ सरकार ह कई कदम उठात हे। राज्य सरकार ह छत्तीसगढ़ के लगभग 56 लाख 56 हजार राशनकार्डधारी परिवार के सासकीय उचित मूल्य दुकान के माध्यम ले निःशुल्क नमक प्रदान करत हे। खाद्य मंत्री अमरजीत भगत के मार्गदर्सन म लॉकडाउन के परिस्थिति म प्रदेस म खाद्य पदार्थ अऊ आवश्यक वस्तु पर्याप्त मात्रा म हवय। अऊ येकर आपूर्ति के संग येकर बाजार मूल्य के प्राईस मॉनिटरिंग सेल ह लगातार निगरानी करत हवय।

खाद्य बिभाग के अधिकारी बताइस कि राज्य म नमक अऊ दूसर आवश्यक खाद्य पदार्थ अब्बड मात्रा म उपलब्ध हवय। अऊ सही दाम म खुले बाजार म आम लोगन ल मिलत हे। राज्य के बाजार म हर महीना लगभग 8 से 10 हजार टन के नमक के आवक होत हवय। लॉकडाउन म घलो खुले बाजार म नमक के आवक लगातार बाढे हवय।


leave a comment