कोरोना वायरस- एम्स ले 2 मरीज होइन डिस्चार्ज, अब प्रदेस म 21 संक्रमित बाचिस...

कोरोना वायरस- एम्स ले 2 मरीज होइन डिस्चार्ज, अब प्रदेस म 21 संक्रमित बाचिस...

08-May-2020

रायपुर। कोरोना वायरस ल लेके छत्तीसगढ़ ले राहत के खबर आय हे। एम्स अस्पताल ले बिरस्त के 2 कोरोना मरीज ठीक होय के बाद छुट्टी देय गिस। स्वस्थ एक मरीज सूरजपुर जिला के रहइया हरय। अऊ दूसरा एम्स के नर्सिंग स्टाफ हरय। अभी प्रदेस म कोरोना के 21 मरीज हवय। जेकर इलाज चलत हे। अऊ सब्बो के हालत स्थिर हे.

सूरजपुर जिला म मिले 6 कोरोना मरीज राहत शिविर म ठहरे हवय। जिहां एक व्यक्ति के संक्रमन ले ये फइले गिस। एक मरीज के ठीक होय के बाद इहां अब 5 संक्रमित मरीज बाचे हवय।

छत्तीसगढ़ म अब तक कुल 59 कोरोना मरीज मिले हे। जेमा 38 मरीज ल ठीक होय के बाद छुट्टी दे दिस। ये मन ल होम आइसोलेशन पर रहे बर कहे गेय हे। अऊ एम्स अस्पताल म अभी 21 एक्टिव मरीज हे, जेकर इलाज जारी हे।

अब तक प्रदेस में मिले कोरोना के मामला

प्रदेश म कोरोना पॉजिटिव सबले जादा कोरबा जिला म 28 मरीज मिले हे। येकर अलावा दुर्ग म 10, रायपुर म 7, कवर्धा 6, सूरजपुर 6, बिलासपुर 1, राजनांदगांव मे 1 मरीज मिले हवय।


leave a comment