विशाखापट्टनम गैस रिसाव म 10 लोगन के मउत, 800 लोगन अस्पताल म, 5 हजार ले जादा लोगन चपेट म

विशाखापट्टनम गैस रिसाव म 10 लोगन के मउत, 800 लोगन अस्पताल म, 5 हजार ले जादा लोगन चपेट म

08-May-2020

विशाखापट्टनम। आंध्र प्रदेश के विशाखापट्टनम के आरआर वेंकटपुरम म एलजी पॉलिमर कंपनी ले खतरनाक जहरीली गैस के रिसाव ले 10 लोगन के मउत हो गेय। करीब 800 ले अधिक लोगन अस्पताल म भर्ती कराय गेय हे। अऊ 5 हजार ले जादा लोगन गैस के चपेट म आय हवय। ये आकड़ा आगे अऊ बाढ़े के आसंका हे। गैस के रिसाव म काबू पा लेय गेय हे।  प्रधानमंतरी नरेंद्र मोदी ह हालात के जायजा लिस अऊ केंद्रीय गृह मंत्री अमित शाह ह घटना ऊपर चिंता जताइस।

जीवीएमसी आयुक्त कहिन कि प्रभावित क्षेत्र ले 5 गांव के कुल 1500 घर ल खाली कराय गेय हे। 180 पीड़ित के इलाज केजीएच विशाखापट्टनम म चलत हे, अऊ 40 पीड़ित अपोलो अस्पताल म भरती हवय. येमा 3 गंभीर हालत म हे। ये स्टाइरीन गैस हरय, जउन सांस लेय म तकलीफ, गला, त्वचा, आंख म जलन अऊ शरीर के कुछ अन्य अंग ल प्रभावित करथे।

मुख्यमंत्री वाईएस जगन मोहन रेड्डी विजाग एएनएस अस्पताल के दौरा करे बर पहुंचिन, जिहां प्रभावित के इलाज करे जात हवय। मुख्यमंतरी स्थिति के बारीकी से निगरानी करत हे अऊ जिला प्रसासन ल तत्काल कदम उठाय के अऊ सब्बो सहायता प्रदान करे के निर्देस देय हे।

पीवीसी या स्टेरेने गैस के रिसाव होय हे। रिसाव के शुरुआत रात 2.30 बजे होइस। गैस रिसाव के चपेट म आस-पास के लोगन आय हवय अऊ कई लोगन बेहोश हो गेय हे, अऊ कुछ लोगन ल सांस लेय म दिक्कत आत हे। सब ऑक्सीजन सपोर्ट देय गिस। मउका म एनडीआरएफ अऊ एसडीआरएफ के टीम राहत काम म जुटे हवय।


leave a comment