मुख्यमंतरी भूपेश बघेल आज पेंड्रा-गौरेला-मरवाही जिला के करहि सुभारंभ, येकर बाद अमेरिका दौरा बर दिल्ली जाहि...

मुख्यमंतरी भूपेश बघेल आज पेंड्रा-गौरेला-मरवाही जिला के करहि सुभारंभ, येकर बाद अमेरिका दौरा बर दिल्ली जाहि...

10-Feb-2020

रायपुर। मुख्यमंतरी भूपेश बघेल सम्मार के पेंड्रा-गौरेला-मरवाही जिला के उद्घाटन के बाद सीधा अमेरिका दौरा बर दिल्ली रवाना होही। मुख्यमंतरी 10 फरवरी के पेंड्रा ले बिलासपुर के चकरभाठा आही फेर नवा दिल्ली जाहि। दिल्ली ले दूसर दिन अमेरिका बर रवाना होही।  

मुख्यमंतरी हार्वर्ड के संग ही न्यूयार्क अऊ सेन फ्रांसिस्को जाहि. संग म सीएस आरपी मंडल, एसीएस होम सुब्रत साहू, पीएस टू सीएम गौरव द्विवेदी, सीएम के सलाहकार प्रदीप शर्मा, सीएसआईडीसी के एमडी अरुण कुमार घलो जाहि। भूपेश 21 फरवरी के बिहनिया दिल्ली पहुंचहि.

भूपेश बघेल रायपुर ले बिहनिया साढ़े 10 बजे हेलीकॉप्टर ले रवाना होही। 11:20 बजे नवगठित गौरेला-पेंड्रा-मरवाही जिले के पेंड्रा पहुंचहि अऊ उहां ले 11.30 बजे गुरुकुल क्रीड़ा परिसर पेंड्रारोड म छत्तीसगढ़ के 28 वां नवा जिला गौरेला-पेंड्रा-मरवाही’ के सुभारंभ करहि।

मुख्यमंतरी मंझनिया 1 बजे बिलासपुर के चकरभाटा एयरस्ट्रिप पहुंचहि अऊ उहां ले डेढ़ बजे विमान ले रवाना होके मंझनिया 3:00 बजे नवा दिल्ली पहुंचहि। मुख्यमंतरी रात कन दिल्ली म आराम करहि। मुख्यमंतरी भूपेश बघेल 11 फरवरी के अमेरिका रवाना होही। ये बेरा मुख्यमंतरी हावर्ड यूनिवर्सिटी म छत्तीसगढ़ के पांरपरिक खेती अऊ किसान मन के समृद्धता के रहस्य वैश्विक स्तर म लोगन ल समझाहि।


leave a comment