कलक्टर बनिस देवता, गरीब महतारी ल लइका के लीवर ट्रांसप्लांट कराय बर दिस 10 लाख रुपया, मुंबई म होइस सफल आपरेसन

कलक्टर बनिस देवता, गरीब महतारी ल लइका के लीवर ट्रांसप्लांट कराय बर दिस 10 लाख रुपया, मुंबई म होइस सफल आपरेसन

31-Jan-2020

बिलासपुर। बिलासपुर तिफरा के रहइया दस बछर के सिद्धार्ध यादव के लीवर ट्रांसरप्लांट सफलता पूर्वक मंबई म होइस. सिद्धार्ध के लीवर ट्रासंप्लांट म 18 लाख के खर्चा होइस. ये इलाज म 10 लाख के आर्थिक मदद बिलासपुर कलक्टर अऊ भारतीय रेडक्रास सोसायटी जिला साखा के अध्यक्ष डॉ संजय अलंग करिन. लइका के आपरेसन फोर्टिस चिकित्सालय मलाड मुंबई म होइस.

महतारी अपन बेटा ल दिन लीवर

लइका के महतारी पूर्णिमा यादव ह अपन लइका ल लीवर दिस. लइका के ऑपरेसन बर 18 लाख के खर्चा बताय रहिस. ये 18 लाख के खर्चा म 10 लाख रुपया रेडक्रास सोसायटी बिलासपुर ह दिन. लइका के ऑपरेसन महादेव घाट रइपुर के रहइया डॉ. स्वनिल शर्मा करिन.

दूनो झन स्वस्थ

सिद्धार्थ अऊ ओकर महतारी दूनो स्वस्थ हे। दूनो झन ल अस्पताल ले डिस्चार्ज कर देय गेय हे. डॉक्टर ह परिवार ल एक महिना मुंबई म रहे के सलाह देय हवय. एक महिना बाद पहिली फालोअप के बाद बिलासपुर जाए के अनुमति देय जाही.


leave a comment