मुख्यमंतरी भूपेश बघेल करिस सेंट जेवियर स्कूल भवन के उद्घाटन, कहिस- बस्तर म सिक्षा के क्षेत्र म अब्बड़ काम करे के जरूरत

मुख्यमंतरी भूपेश बघेल करिस सेंट जेवियर स्कूल भवन के उद्घाटन, कहिस- बस्तर म सिक्षा के क्षेत्र म अब्बड़ काम करे के जरूरत

27-Jan-2020

रायपुर.  मुख्यमंतरी भूपेश बघेल कहिन कि बस्तर अंचल म सिक्षा के क्षेत्र म बहुत काम करे के जरूरत हवय। राज्य सरकार ये दिसा म प्रयास करत हे। अब निजी क्षेत्र घलो बस्तर म सिक्षा के क्षेत्र म आगु आत हे। येकर से बस्तर म सिक्षा के प्रति बेहतर वातावरण बनहि अऊ एक दिन सिक्षा के क्षेत्र म घलो बस्तर के नाव उजयार होही। मुख्यमंतरी बघेल रविवार के कुम्हरावण्ड म सेंट जेवियर स्कूल भवन के उद्घाटन समारोह ल सम्बोधित करत रहिस. ये बेरा म विधायक जगदलपुर रेखचंद जैन, विधायक चित्रकोट राजमन बेंजाम, महापौर शफीरा साहू और सेंट जेवियर स्कूल के चेयरमैन जीएस पटनायक उपस्थित रहिस.

मुख्यमंतरी बघेल कहिन कि बस्तर के लइका अब्बड़ होसियार हे। ओला जरूरत अवसर उपलब्ध कराय के हे। सासन अऊ प्रसासन ये दिसा म लगातार प्रयास करत हे। भूपेश बघेल छात्र-छात्रा ल बधई देत हुए कहिस कि देसभर म सेंट जेवियर स्कूल के एक पूरा श्रृंखला हे। ओडीसा, हरियाणा के बाद अब छत्तीसगढ़ घलो ये श्रृंखला म जुड़ गेय। आगु कहिस कि जब एक स्कूल श्रृंखला के रूप म देस के आने-आन राज्य म संचालित होत हे, त वो स्कूल के लइका देसभर म मिल जाथे। जब वो मन आपस म मिलथे त एक ही स्कूल से पासआउट होय के सेती आत्मीय संबंध अपनेआप बन जाथे। ये अवसर म सेंट जेवियर स्कूल के चेयरमैन जीएस पटनायक ह अपन बिचार रखिन. स्कूल के प्राचार्य लता ह अंत म आभार व्यक्त करिस। पढ़हइया लइका मन सांस्कृतिक कार्यक्रम के प्रस्तुति दिस।

 ये अवसर म कमिश्नर अमृत कुमार खलखो, पुलिस महानिरीक्षक सुन्दरराज पी., कलेक्टर डॉ. अय्याज तम्बोली, पुलिस अधीक्षक दीपक झा, राजीव शर्मा सहित कई जनप्रतिनिधि, स्कूल स्टॉफ, छात्र-छात्रा और अभिभावक उपस्थित रहिस।


leave a comment